ਆਮ ਜਾਣਕਾਰੀ

ਅੰਗੂਰ ਵਿਸ਼ਵ ਪ੍ਰਸਿੱਧ ਫਲ ਹੈ, ਜੋ ਜ਼ਿਆਦਾਤਰ ਦੇਸ਼ਾਂ ਵਿੱਚ ਵਪਾਰਕ ਤੌਰ ਤੇ ਉਗਾਈ ਜਾਂਦੀ ਹੈ। ਅੰਗੂਰ ਦੀ ਵੇਲ ਲੱਕੜੀ ਦੀ, ਸਦਾਬਹਾਰ ਅਤੇ ਪੱਤਝੜੀ ਹੁੰਦੀ ਹੈ। ਇਹ ਵਿਟਾਮਿਨ ਬੀ ਅਤੇ ਖਣਿਜਾਂ ਜਿਵੇਂ ਕਿ ਕੈਲਸ਼ੀਅਮ, ਫਾਸਫੋਰਸ ਅਤੇ ਆਇਰਨ ਆਦਿ ਦਾ ਚੰਗਾ ਸ੍ਰੋਤ ਹੈ। ਅੰਗੂਰਾਂ ਨੂੰ ਕੱਚਾ ਖਾਧਾ ਜਾਂਦਾ ਹੈ ਅਤੇ ਕਈ ਤਰ੍ਹਾਂ ਦੇ ਉਤਪਾਦ ਜਿਵੇਂ ਕਿ ਜੈਲੀ, ਜੈਮ, ਸੌਗੀ, ਸਿਰਕਾ, ਜੂਸ, ਬੀਜਾਂ ਦਾ ਤੇਲ ਅਤੇ ਅੰਗੂਰਾਂ ਦਾ ਅਰਕ ਆਦਿ ਬਣਾਉਣ ਲਈ ਵਰਤਿਆ ਜਾਂਦਾ ਹੈ। ਅੰਗੂਰਾਂ ਦੀ ਖੇਤੀ ਮੁੱਖ ਤੌਰ ਤੇ ਫਰਾਂਸ, ਯੂ ਐੱਸ ਏ, ਤੁਰਕੀ, ਦੱਖਣੀ ਅਫਰੀਕਾ, ਚੀਨ, ਪੁਰਤਗਾਲ, ਅਰਜਨਟੀਨਾ, ਈਰਾਨ, ਇਟਲੀ ਅਤੇ ਚਿੱਲੇ ਆਦਿ ਵਿੱਚ ਕੀਤੀ ਜਾਂਦੀ ਹੈ। ਚੀਨ ਸਭ ਤੋਂ ਵੱਧ ਅੰਗੂਰਾਂ ਦੀ ਖੇਤੀ ਕਰਨ ਵਾਲਾ ਦੇਸ਼ ਹੈ। ਇਸ ਦੇ ਕਈ ਸਰੀਰਕ ਲਾਭ ਵੀ ਹਨ, ਜਿਵੇਂ ਕਿ ਸ਼ੂਗਰ, ਦਮਾ, ਦਿਲ ਦੀ ਬਿਮਾਰੀ, ਕਬਜ਼ ਅਤੇ ਹੱਡੀਆਂ ਦੇ ਰੋਗਾਂ ਨੂੰ ਕੰਟਰੋਲ ਕਰਨਾ ਆਦਿ। ਇਹ ਚਮੜੀ ਅਤੇ ਵਾਲਾਂ ਨਾਲ ਸੰਬੰਧਿਤ ਬਿਮਾਰੀਆਂ ਦੀ ਰੋਕਥਾਮ ਲਈ ਵੀ ਲਾਭਦਾਇਕ ਹੈ।

ਮਿੱਟੀ

ਇਸ ਨੂੰ ਕਈ ਤਰ੍ਹਾਂ ਦੀ ਮਿੱਟੀ ਵਿੱਚ ਉਗਾਇਆ ਜਾਂਦਾ ਹੈ, ਪਰ ਵਧੀਆ ਉਪਜਾਊ ਮਿੱਟੀ, ਜਿਸ ਦਾ pH 6.5-8.5 ਹੋਵੇ। ਅੰਗੂਰਾਂ ਦੀ ਖੇਤੀ ਲਈ ਜ਼ਿਆਦਾ ਪਾਣੀ ਸੋਖਣ ਵਾਲੀ ਮਿੱਟੀ ਦੀ ਲੋੜ ਹੁੰਦੀ ਹੈ।

ਪ੍ਰਸਿੱਧ ਕਿਸਮਾਂ ਅਤੇ ਝਾੜ

Punjab MACS Purple: ਇਹ ਕਿਸਮ 2008 ਵਿੱਚ ਜਾਰੀ ਕੀਤੀ ਗਈ ਹੈ। ਇਹ ਕਿਸਮ ਵਿੱਚ ਐਂਥੋਸਿਆਨਿਨਸ ਉੱਚ ਮਾਤਰਾ ਵਿੱਚ ਹੁੰਦਾ ਹੈ। ਇਸਦਾ ਫਲ ਬੀਜ ਵਾਲਾ ਹੁੰਦਾ ਹੈ। ਇਸਦੇ ਫਲ ਮੱਧਮ ਆਕਾਰ ਦੇ ਅਤੇ ਪੱਕਣ ਸਮੇਂ ਜਾਮਣੀ ਰੰਗ ਦੇ ਹੁੰਦੇ ਹਨ। ਇਸਦੇ ਗੁੱਛੇ ਮੱਧਿਅਮ ਅਤੇ ਢਿੱਲੇ ਹੁੰਦੇ ਹਨ। ਇਹ ਕਿਸਮ ਜੂਨ ਦੇ ਪਹਿਲੇ ਮਹੀਨੇ ਵਿੱਚ ਪੱਕਦੀ ਹੈ। ਇਹ ਕਿਸਮ ਜੂਸ ਅਤੇ ਨੈੱਕਟਰ ਬਣਾਉਣ ਲਈ ਚੰਗੀ ਹੈ।

Perlette: ਇਹ ਕਿਸਮ 1967 ਵਿੱਚ ਜਾਰੀ ਕੀਤੀ ਗਈ ਹੈ। ਇਹ ਕਿਸਮ ਉੱਚ ਪੈਦਾਵਾਰ ਵਾਲੀ ਹੈ, ਜਿਸਦੇ ਗੁੱਛੇ ਵੱਡੇ ਤੋਂ ਮੱਧਮ ਆਕਾਰ ਦੇ, ਅੰਗੂਰ ਮੱਧਮ ਆਕਾਰ ਦੇ ਹੁੰਦੇ ਹਨ, ਜਿਨ੍ਹਾਂ ਦੀ ਸੁਗੰਧ ਹਲਕੀ, ਆਕਾਰ ਗੋਲ, ਛਿਲਕੇ ਪਤਲੇ, ਗੁੱਦਾ ਮਿੱਠਾ ਅਤੇ ਸਖਤ ਹੁੰਦਾ ਹੈ। ਇਸ ਵਿੱਚ TSS. ਦੀ ਮਾਤਰਾ 16-18% ਹੁੰਦੀ ਹੈ। ਇਸ ਦੀ ਔਸਤਨ ਪੈਦਾਵਾਰ 25 ਕਿਲੋ ਪ੍ਰਤੀ ਵੇਲ ਹੁੰਦਾ ਹੈ।

Beauty Seedless: ਇਹ ਕਿਸਮ 1968 ਵਿੱਚ ਜਾਰੀ ਕੀਤੀ ਗਈ। ਇਹ ਦੱਖਣੀ-ਪੱਛਮੀ ਜ਼ਿਲ੍ਹਿਆਂ ਵਿੱਚ ਵਧੀਆ ਪੈਦਾਵਾਰ ਦਿੰਦੇ ਹਨ। ਇਸ ਦੇ ਗੁੱਛੇ ਮੱਧਮ ਆਕਾਰ ਦੇ ਹੁੰਦੇ ਹਨ, ਜੋ ਪੂਰੀ ਤਰ੍ਹਾਂ ਭਰੇ ਹੁੰਦੇ ਹਨ। ਇਸਦੇ ਫਲ ਬੀਜ ਤੋਂ ਬਿਨਾਂ, ਮੱਧਮ ਆਕਾਰ ਦੇ ਅਤੇ ਨੀਲੇ-ਕਾਲੇ ਰੰਗ ਦੇ ਹੁੰਦੇ ਹਨ। ਫਲਾਂ ਵਿੱਚ TSS ਦੀ ਮਾਤਰਾ 16-18% ਹੁੰਦੀ ਹੈ। ਇਸ ਦੇ ਫਲ਼ ਜੂਨ ਦੇ ਪਹਿਲੇ ਹਫਤੇ ਪੱਕ ਜਾਂਦੇ ਹਨ। ਇਸ ਦੀ ਔਸਤਨ ਪੈਦਾਵਾਰ 25 ਕਿਲੋਗ੍ਰਾਮ ਪ੍ਰਤੀ ਵੇਲ ਹੁੰਦੀ ਹੈ।

Flame Seedless: ਇਹ ਕਿਸਮ 2000 ਵਿੱਚ ਜਾਰੀ ਕੀਤੀ ਗਈ। ਇਸਦੇ ਗੁੱਛੇ ਮੱਧਮ ਸਮੂਹ, ਬੇਰੁੱਖੇ ਬੇਰ ਹਨ ਜੋ ਪੱਕੇ ਅਤੇ ਖਸਤਾ ਹਨ ਅਤੇ ਜ਼ਿਆਦਾਤਰ ਇਹ ਹਲਕੇ ਜਾਮਨੀ ਰੰਗ ਦੇ ਬਣ ਜਾਂਦੇ ਹਨ। ਇਸ ਵਿੱਚ 16-18% ਟੀ. ਐਸ. ਦੀ ਮਾਤਰਾ ਹੁੰਦੀ ਹੈ। ਇਹ ਕਿਸਮ ਜੂਨ ਦੇ ਦੂਜੇ ਹਫ਼ਤੇ ਵਿੱਚ ਪੱਕਦੀ ਹੈ।

Superior Seedless: ਇਸ ਕਿਸਮ ਦੀ ਵੇਲ ਦਰਮਿਆਨੀ ਫੈਲਣ ਵਾਲੀ ਹੁੰਦੀ ਹੈ। ਇਸਦੇ ਗੁੱਛੇ ਦਰਮਿਆਨੇ ਤੋਂ ਵੱਡੇ ਆਕਾਰ ਦੇ ਹੁੰਦੇ ਹਨ। ਬੀਜ ਆਕਾਰ ਵਿੱਚ ਵੱਡੇ ਅਤੇ ਸੁਨਹਿਰੇ ਰੰਗ ਦੇ ਹੁੰਦੇ ਹਨ। ਫਲਾਂ ਵਿੱਚ ਸ਼ੂਗਰ ਦੀ ਮਾਤਰਾ 10.0% ਅਤੇ ਖੱਟਾਪਣ 0.51% ਹੁੰਦਾ ਹੈ। ਇਸਦੇ ਫਲ ਜੂਨ ਦੇ ਪਹਿਲੇ ਹਫਤੇ ਵਿੱਚ ਪੱਕ ਜਾਂਦੇ ਹਨ। ਇਸਦੀ ਔਸਤਨ ਪੈਦਾਵਾਰ 21.8 ਕਿਲੋ ਪ੍ਰਤੀ ਪੌਦਾ ਹੁੰਦੀ ਹੈ।

ਹੋਰ ਰਾਜਾਂ ਦੀਆਂ ਕਿਸਮਾਂ

  • ਖੁਸ਼ਕ ਖੇਤਰਾਂ ਲਈ

ਸੌਗੀ ਬਣਾਉਣ ਲਈ: Thompson Seedless, Black Sahebi

ਕੱਚੇ ਖਾਣ ਲਈ: Thompson Seedless, Beauty Seedless, Black Sahebi, Anab-e-Shahi

ਜੂਸ ਬਣਾਉਣ ਲਈ: Beauty Seedless, Black Prince

ਵਾਈਨ ਬਣਾਉਣ ਲਈ: Rangspray, Cholhu White, Cholhu Red

  • ਘੱਟ ਪਹਾੜੀ ਖੇਤਰ ਲਈ

Perlette, Beauty Seedless, Delight, and Himred.

Thompson Seedless: ਇਸ ਕਿਸਮ ਦੇ ਗੁੱਛੇ ਵੱਡੇ,ਅੰਗੂਰ ਬਰਾਬਰ ਆਕਾਰ ਦੇ ਮੱਧਮ-ਲੰਬੇ, ਫਲ ਹਰੇ ਰੰਗ ਦੇ ਬੀਜ-ਮੁਕਤ, ਜੋ ਪੱਕਣ ਤੇ ਸੁਨਹਿਰੀ ਹੋ ਜਾਂਦੇ ਹਨ, ਸਖਤ ਅਤੇ ਵਧੀਆ ਸੁਆਦ ਵਾਲੇ ਹੁੰਦੇ ਹਨ। ਇਹ ਦੇਰੀ ਨਾਲ ਪੱਕਣ ਵਾਲੀ ਕਿਸਮ ਹੈ।

Black Sahebi: ਇਸ ਕਿਸਮ ਦੇ ਫਲ ਜਾਮਨੀ ਰੰਗ ਦੇ, ਕੁਆਲਿਟੀ ਵਿੱਚ ਵਧੀਆ, ਗੁੱਛੇ ਚੰਗੇ, ਛਿਲਕ ਪਤਲੀ ਅਤੇ ਗੁੱਦਾ ਮਿੱਠਾ ਅਤੇ ਨਰਮ ਬੀਜਾਂ ਵਾਲਾ ਹੁੰਦਾ ਹੈ। ਇਸ ਕਿਸਮ ਦੇ ਫਲਾਂ ਨੂੰ ਲੰਬੇ ਸਮੇਂ ਲਈ ਸਟੋਰ ਕੀਤਾ ਜਾ ਸਕਦਾ ਹੈ। ਇਸ ਕਿਸਮ ਦੀ ਪੈਦਾਵਾਰ ਘੱਟ ਅਤੇ ਫਲਾਂ ਦਾ ਅਕਾਰ ਵੱਡਾ ਹੁੰਦਾ ਹੈ।

Anab-e-Shahi: ਇਸ ਕਿਸਮ ਦੇ ਗੁੱਛੇ ਭਰੇ ਹੋਏ ਅਤੇ ਅਕਾਰ ਵਿੱਚ ਦਰਮਿਆਨੇ ਤੋਂ ਵੱਡੇ ਹੁੰਦੇ ਹਨ। ਫਲਾਂ ਦਾ ਰੰਗ ਦੁੱਧੀਆ, ਛਿਲਕਾ ਪਤਲਾ, ਕੁਆਲਿਟੀ ਵਧੀਆ ਅਤੇ ਸੁਆਦੀ ਹੁੰਦੇ ਹਨ।

Black Prince: ਇਸ ਕਿਸਮ ਦੇ ਫਲ ਜਾਮਨੀ ਰੰਗ ਦੇ ਗੋਲ ਹੁੰਦੇ ਹਨ, ਜਿਸਦੀ ਛਿੱਲ ਪਤਲੀ, ਗੁੱਦਾ ਮਿੱਠਾ, ਬੀਜ ਨਰਮ, ਗੁੱਛੇ ਦਰਮਿਆਨੇ ਆਕਾਰ ਦੇ, ਘੱਟ ਸੰਘਣੇ ਹੁੰਦੇ ਹਨ। ਇਹ ਕਿਸਮ ਚੰਗੀ ਅਤੇ ਜਲਦੀ ਪੈਦਾਵਾਰ ਦਿੰਦੀ ਹੈ ਅਤੇ ਇਸ ਦੀ ਵਰਤੋਂ ਕੱਚੇ ਖਾਣ ਜਾਂ ਜੂਸ ਬਣਾਉਣ ਲਈ ਕੀਤੀ ਜਾਂਦੀ ਹੈ।

ਖੇਤ ਦੀ ਤਿਆਰੀ

ਅੰਗੂਰਾਂ ਦੀ ਖੇਤੀ ਲਈ ਚੰਗੀ ਤਰ੍ਹਾਂ ਤਿਆਰ ਜ਼ਮੀਨ ਦੀ ਜ਼ਰੂਰਤ ਹੁੰਦੀ ਹੈ। ਮਿੱਟੀ ਨੂੰ ਪੱਧਰਾ ਕਰਨ ਲਈ ਟਰੈਕਟਰ ਦੁਆਰਾ 3-4 ਵਾਰ ਹਲ਼ਾਂ ਨਾਲ ਡੂੰਘੀ ਵਾਹੀ ਕਰੋ ਅਤੇ ਫਿਰ 3 ਵਾਰ ਹੈਰੋਂ ਨਾਲ ਜ਼ਮੀਨ ਵਾਹੋ।

ਬਿਜਾਈ

ਬਿਜਾਈ ਦਾ ਸਮਾਂ
ਤਿਆਰ ਕੀਤੇ ਜੜ੍ਹਾਂ ਵਾਲੇ ਭਾਗਾਂ ਦਾ ਰੋਪਣ ਦਸੰਬਰ ਤੋਂ ਜਨਵਰੀ ਮਹੀਨੇ ਵਿੱਚ ਕੀਤਾ ਜਾਂਦਾ ਹੈ।

ਫਾਸਲਾ
ਕਲਮਾਂ ਲਗਾਉਣ ਵਾਲੀ ਵਿਧੀ ਵਿੱਚ 3X3 ਮੀਟਰ ਦਾ ਫਾਸਲਾ ਅਤੇ ਆਰਬੋਰ ਵਿਧੀ ਵਿੱਚ 5X3 ਮੀਟਰ ਦਾ ਫਾਸਲਾ ਰੱਖੋ। Anab-e-Shahi ਕਿਸਮ, 6X3 ਮੀਟਰ ਦਾ ਫਾਸਲਾ ਰੱਖੋ।

ਬੀਜ ਦੀ ਡੂੰਘਾਈ

ਕੱਟੇ ਹੋਏ ਭਾਗਾਂ ਨੂੰ 1 ਮੀਟਰ ਦੀ ਡੂੰਘਾਈ ਤੇ ਬੀਜੋ।

ਖਾਦਾਂ

ਖਾਦਾਂ(ਗ੍ਰਾਮ ਪ੍ਰਤੀ ਰੁੱਖ)

ਉਮਰ (ਸਾਲਾਂ ਵਿੱਚ)

ਗੋਬਰ(ਕਿਲੋ)

CAN(ਗ੍ਰਾਮ)

SSP(ਗ੍ਰਾਮ)

MOP(ਗ੍ਰਾਮ)

ਪਹਿਲੇ ਸਾਲ

20

400

1500

250

ਦੂਜੇ ਸਾਲ

35

500

2500

350

ਤੀਜੇ ਸਾਲ

50

600

3500

500

ਚੌਥੇ ਸਾਲ

65

800

4000

650

ਪੰਜਵੇਂ ਸਾਲ

80

1000

4500

800

 

ਨਵੀਆਂ ਬੀਜੀਆਂ ਵੇਲਾਂ ਵਿੱਚ, ਅਪ੍ਰੈਲ ਮਹੀਨੇ 60 ਗ੍ਰਾਮ ਯੂਰੀਆ ਅਤੇ 125 ਗ੍ਰਾਮ ਮਿਊਰੇਟ ਆੱਫ ਪੋਟਾਸ਼ ਪਾਓ। ਫਿਰ ਜੂਨ ਮਹੀਨੇ ਵਿਚ ਇਹੋ ਮਾਤਰਾ ਦੁਹਰਾਓ। ਪੁਰਾਣੀਆਂ ਵੇਲਾਂ ਲਈ, ਸਾਰਣੀ ਵਿੱਚ ਦਿੱਤੇ ਅਨੁਸਾਰ ਖਾਦ ਦੀ ਵਰਤੋਂ ਕਰੋ। ਰੂੜੀ ਦੀ ਖਾਦ ਅਤੇ ਸਿੰਗਲ ਸੁਪਰ ਫਾਸਫੇਟ ਦੀ ਪੂਰੀ ਮਾਤਰਾ ਅਤੇ ਨਾਈਟ੍ਰੋਜਨ ਅਤੇ ਪੋਟਾਸ਼ੀਅਮ ਦੀ ਅੱਧੀ ਮਾਤਰਾ ਕਾਂਟ-ਛਾਂਟ ਤੋਂ ਬਾਅਦ ਪਾਓ ਅਤੇ ਬਾਕੀ ਬਚੀ ਨਾਈਟ੍ਰੋਜਨ ਅਤੇ ਪੋਟਾਸ਼ੀਅਮ ਅਪ੍ਰੈਲ ਵਿੱਚ ਫਲ ਬਣਨ ਸਮੇਂ ਪਾਓ। ਯੂਰੀਆ ਦੀ ਸਪਰੇਅ ਦੋ ਵਾਰ ਕੀਤੀ ਜਾਂਦੀ ਹੈ, ਪਹਿਲੀ ਫੁੱਲ ਨਿਕਲਣ ਸਮੇਂ ਅਤੇ ਦੂਜੀ ਫਲ਼ ਬਣਨ ਸਮੇਂ।

ਨਦੀਨਾਂ ਦੀ ਰੋਕਥਾਮ

ਨਦੀਨ ਪੈਦਾ ਹੋਣ ਤੋਂ ਪਹਿਲਾਂ ਮਾਰਚ ਮਹੀਨੇ ਦੇ ਪਹਿਲੇ ਪੰਦਰਵਾੜੇ ਸਟੋਂਪ 800 ਮਿ.ਲੀ. ਪ੍ਰਤੀ ਏਕੜ ਅਤੇ ਨਦੀਨ ਪੈਦਾ ਹੋਣ ਤੋਂ ਬਾਅਦ, ਜਦ ਨਦੀਨਾਂ ਦਾ ਕੱਦ 15-20 ਸੈ.ਮੀ. ਹੋਵੇ, ਗ੍ਰੈਮੌਕਸੋਨ 24 ਡਬਲਿਊ ਸੀ ਐਸ(ਪੈਰਾਕੁਏਟ) ਜਾਂ ਗਲਾਈਸੈੱਲ 41 ਐਸ ਐਲ(ਗਲਾਈਫੋਸੇਟ) 1.6 ਲਿਟਰ ਨੂੰ 150 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।

ਸਿੰਚਾਈ

 

 

ਸਮਾਂ

ਸੰਖਿਆ

ਫਰਵਰੀ ਦੇ ਪਹਿਲੇ ਪੰਦਰਵਾੜੇ ਕਾਂਟ-ਛਾਂਟ ਤੋਂ ਬਾਅਦ

ਇੱਕ ਸਿੰਚਾਈ

ਮਾਰਚ ਦੇ ਪਹਿਲੇ ਹਫਤੇ

ਇੱਕ ਸਿੰਚਾਈ

ਅਪ੍ਰੈਲ ਵਿੱਚ ਫਲ ਬਣਨ ਤੋਂ ਲੈ ਕੇ ਮਈ ਦੇ ਪਹਿਲੇ ਹਫ਼ਤੇ ਤੱਕ

10 ਦਿਨਾਂ ਦੇ ਅੰਤਰਾਲ ਤੇ

ਬਾਕੀ ਮਈ ਮਹੀਨੇ ਦੌਰਾਨ

ਹਫਤੇ ਦੇ ਅੰਤਰਾਲ ਤੇ

ਜੂਨ

ਤਿੰਨ ਜਾਂ ਚਾਰ ਦਿਨਾਂ ਦੇ ਅੰਤਰਾਲ ਤੇ

ਜੁਲਾਈ ਤੋਂ ਅਕਤੂਬਰ

ਵਰਖਾ ਅਤੇ ਲੋੜ ਅਨੁਸਾਰ

ਨਵੰਬਰ ਤੋਂ ਜਨਵਰੀ

ਜੇਕਰ ਮਿੱਟੀ ਬਹੁਤ ਸੁੱਕੀ ਹੋਵੇ ਤਾਂ ਇੱਕ ਸਿੰਚਾਈ

 

ਪੌਦੇ ਦੀ ਦੇਖਭਾਲ

ਬੁੰਡਿਆ
  • ਕੀੜੇ ਮਕੌੜੇ ਤੇ ਰੋਕਥਾਮ

ਭੂੰਡੀਆਂ: ਇਹ ਤਾਜ਼ਾ ਪੱਤੇ ਖਾ ਕੇ ਵੇਲਾਂ ਦੇ ਪੱਤੇ ਨਸ਼ਟ ਕਰਦੀਆਂ ਹਨ।
ਇਲਾਜ: ਇਸਦੀ ਰੋਕਥਾਮ ਲਈ ਮੈਲਾਥਿਆਨ 400 ਮਿ.ਲੀ. ਨੂੰ 150 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।

ਤੇਲਾ ਅਤੇ ਥ੍ਰਿਪਸ

ਥਰਿੱਪ ਅਤੇ ਤੇਲਾ: ਇਸ ਦੇ ਪੱਤੇ ਅਤੇ ਫਲਾਂ ਦਾ ਰਸ ਚੂਸਦੇ ਹਨ। ਤੇਲਾ ਪੱਤਿਆਂ ਦੀ ਹੇਠਲੇ ਸਤਹਿ ਤੋਂ ਰਸ ਚੂਸਦਾ ਹੈ, ਜਿਸ ਕਾਰਨ ਉਪਰਲੀ ਪਰਤ ਤੇ ਚਿੱਟੇ ਧੱਬੇ ਬਣ ਜਾਂਦੇ ਹਨ।
ਇਲਾਜ: ਇਸਦੀ ਰੋਕਥਾਮ ਲਈ ਮੈਲਾਥਿਆਨ 400 ਮਿ.ਲੀ. ਨੂੰ 150 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।

ਪਤਾ ਲਪੇਟ ਸੁੰਡੀ

ਪੱਤਾ ਲਪੇਟ ਸੁੰਡੀ: ਇਹ ਸੁੰਡੀ ਪੱਤਿਆਂ ਨੂੰ ਮੋੜ ਦਿੰਦੀ ਹੈ ਅਤੇ ਫੁੱਲ ਵੀ ਖਾਂਦੀ ਹੈ।
ਇਲਾਜ: ਇਸ ਦੀ ਰੋਕਥਾਮ ਲਈ ਕੁਇਨਲਫਾੱਸ 600 ਮਿ.ਲੀ. ਨੂੰ 150 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।

ਪਿਲਾ ਔਰ ਲਾਲ ਕੀੜਾ

ਪੀਲਾ ਅਤੇ ਲਾਲ ਭੂੰਡ: ਇਹ ਸੁਰਾਖ ਕਰਕੇ ਪੱਕੇ ਹੋਏ ਫਲ ਖਾਂਦੇ ਹਨ।
ਇਲਾਜ: ਇਸਦੀ ਰੋਕਥਾਮ ਲਈ ਕੁਇਨਲਫਾੱਸ 600 ਮਿ.ਲੀ. ਨੂੰ 150 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।

ਪੱਤਿਆਂ ਤੇ ਧੱਬੇ
  • ਬਿਮਾਰੀਆਂ ਅਤੇ ਉਨ੍ਹਾਂ ਦੀ ਰੋਕਥਾਮ

ਪੱਤਿਆਂ ਤੇ ਧੱਬੇ: ਇਸ ਬਿਮਾਰੀ ਨਾਲ ਪੱਤਿਆਂ ਦੇ ਦੋਨੋਂ ਪਾਸੇ ਅਤੇ ਫੁੱਲਾਂ ਦੇ ਗੁੱਛਿਆਂ ਤੇ ਪਾਊਡਰ ਵਰਗਾ ਪਦਾਰਥ ਦਿਖਾਈ ਦਿੰਦਾ ਹੈ। ਪੱਤਿਆਂ ਦਾ ਸੋਕਾ ਦਿਖਾਈ ਦਿੰਦਾ ਹੈ, ਜਿਸ ਨਾਲ ਅੰਤ ਵਿੱਚ ਸਾਰੇ ਪੱਤੇ ਸੁੱਕ ਜਾਂਦੇ ਹਨ।
ਇਲਾਜ: ਇਸਦੀ ਰੋਕਥਾਮ ਲਈ ਕਾਰਬੈਂਡਾਜ਼ਿਮ 400 ਗ੍ਰਾਮ ਜਾਂ ਘੁਲਣਸ਼ੀਲ ਸਲਫਰ 600 ਗ੍ਰਾਮ ਦੀ ਸਪਰੇਅ ਫੁੱਲ ਬਣਨ ਤੋਂ ਪਹਿਲਾਂ ਅਤੇ ਫਲ ਬਣਨ ਸਮੇਂ ਕਰੋ।

ਪੱਤਿਆਂ ਦੇ ਹੇਠਲੇ ਪਾਸੇ ਧੱਬੇ

ਪੱਤਿਆਂ ਦੇ ਹੇਠਲੇ ਪਾਸੇ ਧੱਬੇ: ਪੱਤਿਆਂ ਦੇ ਉੱਪਰਲੇ ਪਾਸੇ ਬੇਢੰਗੇ ਆਕਾਰ ਵਾਲੇ ਪੀਲੇ ਰੰਗ ਦੇ ਧੱਬੇ ਅਤੇ ਹੇਠਲੇ ਪਾਸੇ ਸਫੇਦ ਰੰਗ ਦੀ ਉੱਲੀ ਦਿਖਾਈ ਦਿੰਦੀ ਹੈ।
ਇਲਾਜ: ਇਸਦੀ ਰੋਕਥਾਮ ਲਈ, ਕਾਂਟ-ਛਾਂਟ ਦੌਰਾਨ ਪਹਿਲੀ ਸਪਰੇਅ ਮੈਨਕੋਜ਼ੇਬ @400-500 ਗ੍ਰਾਮ ਦੀ ਕਰੋ, ਪਹਿਲੀ ਸਪਰੇਅ ਤੋਂ 3-4 ਹਫਤਿਆਂ ਬਾਅਦ ਦੂਜੀ ਸਪਰੇਅ ਕਰੋ, ਤੀਜੀ ਸਪਰੇਅ ਨਵੀਆਂ ਟਾਹਣੀਆਂ ਬਣਨ ਸਮੇਂ ਅਤੇ ਚੌਥੀ ਸਪਰੇਅ ਗੁੱਛੇ ਬਣਨ ਦੇ ਸ਼ੁਰੂਆਤੀ ਸਮੇਂ ਕਰੋ।

ਐਂਥਰਾਕਨੋਸ

ਐਂਥਰਾਕਨੌਸ: ਇਸ ਬਿਮਾਰੀ ਨਾਲ ਫਲਾਂ, ਤਣੇ ਅਤੇ ਟਾਹਣੀਆਂ ਤੇ ਡੂੰਘੇ ਧੱਬੇ ਬਣ ਜਾਂਦੇ ਹਨ ਅਤੇ ਪੱਤਿਆਂ ਤੇ ਭੂਰੇ ਰੰਗ ਦੇ ਧੱਬੇ ਦਿਖਾਈ ਦਿੰਦੇ ਹਨ।
ਇਲਾਜ: ਇਸਦੀ ਰੋਕਥਾਮ ਲਈ ਕਾੱਪਰ ਆੱਕਸੀਕਲੋਰਾਈਡ ਜਾਂ ਐਮ-45 @400 ਗ੍ਰਾਮ ਨੂੰ 150 ਲੀਟਰ ਪਾਣੀ ਵਿੱਚ ਮਿਲਾ ਕੇ ਸਪਰੇਅ ਕਰੋ।

ਫਸਲ ਦੀ ਕਟਾਈ

ਫਲ ਦੀ ਪੂਰੀ ਤਰ੍ਹਾਂ ਪੱਕ ਜਾਣ ਤੇ ਦੀ ਕਟਾਈ ਕਰੋ।

ਕਟਾਈ ਤੋਂ ਬਾਅਦ

ਕਟਾਈ ਤੋਂ ਬਾਅਦ, ਗਰੇਡਿੰਗ ਕੀਤੀ ਜਾਂਦੀ ਹੈ। ਗਰੇਡਿੰਗ ਤੋਂ ਬਾਅਦ, ਫਲਾਂ ਨੂੰ ਛੇ ਘੰਟਿਆਂ ਦੇ ਅੰਦਰ-ਅੰਦਰ 4.4° ਸੈ. ਤਾਪਮਾਨ ਤੇ ਠੰਡਾ ਕੀਤਾ ਜਾਂਦਾ ਹੈ। ਲੰਬੀ ਦੂਰੀ ਵਾਲੇ ਬਜ਼ਾਰਾਂ ਲਈ ਅੰਗੂਰ ਕੰਟੇਨਰਾਂ ਵਿੱਚ ਪੈਕ ਕੀਤੇ ਜਾਂਦੇ ਹਨ।