ਫਰਾਂਸ ਦੇ ਪੰਜ ਸ਼ਹਿਰਾਂ ਨੇ ਕੀਟਨਾਸ਼ਕਾਂ ’ਤੇ ਪਾਬੰਦੀ ਲਗਾਈ

September 14 2019

ਪੈਰਿਸ ਅਤੇ ਫਰਾਂਸ ਦੇ ਚਾਰ ਹੋਰ ਸ਼ਹਿਰਾਂ ਨੇ ਰਸਾਇਣ ਵਿਰੋਧੀ ਅੰਦੋਲਨ ਤਹਿਤ ਅੱਜ ਆਪਣੀਆਂ ਹੱਦਾਂ ਅੰਦਰ ਕੀਟਨਸ਼ਕਾਂ ਦੀ ਵਰਤੋਂ ’ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਹ ਅੰਦੋਲਨ ਪਿੰਡਾਂ ’ਚ ਸ਼ੁਰੂ ਹੋਇਆ ਸੀ ਅਤੇ ਹੁਣ ਰਫ਼ਤਾਰ ਫੜ ਰਿਹਾ ਹੈ। ਪੈਰਿਸ ਦੇ ਨਾਲ ਉੱਤਰੀ ਸ਼ਹਿਰ ਲਿਲੀ, ਪੱਛਮ ’ਚ ਸਥਿਤ ਸ਼ਹਿਰ ਨੈਨਟਿਸ, ਦੱਖਣ-ਪੂਰਬੀ ਸ਼ਹਿਰ ਗ੍ਰੇਨੋਬਲ ਅਤੇ ਕੇਂਦਰੀ ਸ਼ਹਿਰ ਕਲੈਰਮੌਂਟ-ਫੇਰਾਂਡ ਨੇ ਜੈਵਿਨ ਵੰਨ-ਸੁਵੰਨਤਾ ਅਤੇ ਲੋਕਾਂ ਦੀ ਸਿਹਤ ਦਾ ਹਵਾਲਾ ਦਿੰਦਿਆਂ ਇਹ ਪਾਬੰਦੀ ਲਾਗੂ ਕਰ ਦਿੱਤੀ ਹੈ। ਸ਼ਹਿਰੀ ਇਲਾਕਿਆਂ ਵਿੱਚ ਪਹਿਲਾਂ ਹੀ ਪਾਰਕਾਂ ਤੇ ਹੋਰਨਾਂ ਹਰਿਆਲੀ ਵਾਲੀਆਂ ਥਾਵਾਂ ’ਤੇ ਰਸਾਇਣਾਂ ਦੇ ਛਿੜਕਾਅ ’ਤੇ ਪਾਬੰਦੀ ਹੈ। ਜਨਵਰੀ ਮਹੀਨੇ ਤੋਂ ਘਰਾਂ ਵਿਚਲੀਆਂ ਬਗੀਚੀਆਂ ਵਿੱਚ ਵੀ ਕੀਟਨਾਸ਼ਕਾਂ ਦੇ ਛਿੜਕਾਅ ’ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਉਨ੍ਹਾਂ ਨੂੰ ਸਿਰਫ਼ ਕੁਦਰਤੀ ਤੌਰ ’ਤੇ ਤਿਆਰ ਕੀਤੇ ਕੀਟਨਾਸ਼ਕਾਂ ਦੀ ਵਰਤੋਂ ਦੀ ਇਜਾਜ਼ਤ ਦਿੱਤੀ ਗਈ ਹੈ। -ਪੀਟੀਆਈ

 

ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।

ਸ੍ਰੋਤ: ਪੰਜਾਬੀ ਟ੍ਰਿਬਿਊਨ