ਫ਼ਿਰੋਜ਼ਪੁਰ ਦਾ ਮਿਲਟਰੀ ਡੇਅਰੀ ਫ਼ਾਰਮ ਹੁਣ ਬੰਦ ਹੋਣ ਜਾ ਰਿਹਾ ਹੈ। ਇਸੇ ਲਈ ਇੱਥੇ ਮੌਜੂਦ 50 ਹਜ਼ਾਰ ਰੁਪਏ ਤੋਂ ਲੈ ਕੇ 1.20 ਲੱਖ ਰੁਪਏ ਕੀਮਤ ਤੱਕ ਦੀਆਂ ਉੱਚ-ਮਿਆਰੀ ਨਸਲ ਦੀਆਂ ਗਊਆਂ ਇੱਕ–ਇੱਕ ਹਜ਼ਾਰ ਰੁਪਏ ’ਚ ਵੇਚੀਆਂ ਗਈਆਂ। ਦੇਸ਼ ਵਿੱਚ ਦੁੱਧ ਉਤਪਾਦਨ ਕਾਫ਼ੀ ਜ਼ਿਆਦਾ ਹੋਣ ਕਾਰਨ ਕੇਂਦਰ ਸਰਕਾਰ ਨੇ ਡੇਢ ਸਾਲ ਪਹਿਲਾਂ ਦੇਸ਼ ਦੇ ਮਿਲਟਰੀ ਫ਼ਾਰਮਾਂ ਨੂੰ ਬੰਦ ਕਰਨ ਦਾ ਹੁਕਮ ਦਿੱਤਾ ਸੀ।
ਪਹਿਲਾਂ ਫ਼ਿਰੋਜ਼ਪੁਰ ਦੇ ਇਸ ਮਿਲਟਰੀ ਫ਼ਾਰਮ ਤੋਂ 200 ਮੱਝਾਂ ਉਤਰਾਖੰਡ ਭੇਜੀਆਂ ਗਈਆਂ ਸਨ। ਇਸ ਤੋਂ ਇਲਾਵਾ 229 ਗਊਆਂ ਪੰਜਾਬ ਸਰਕਾਰ ਨੂੰ ਵੀ ਦਿੱਤੀਆਂ ਗਈਆਂ ਹਨ। ਇਨ੍ਹਾਂ ਗਊਆਂ ਵਿੱਚ ਸਾਹੀਵਾਲ, ਅਮਰੀਕੀ ਜਰਸੀ ਨਸਲ, ਹਾਲੈਂਡ ਬ੍ਰੀਡ ਸ਼ਾਮਲ ਹਨ।
ਇਨ੍ਹਾਂ ਗਊਆਂ ਦੇ ਦੁੱਧ ਦੀ ਵਰਤੋਂ ਹੁਣ ਤੱਕ ਫ਼ੌਜ ਵੱਲੋਂ ਹੀ ਕੀਤੀ ਜਾਂਦੀ ਰਹੀ ਹੈ। ਫ਼ਿਰੋਜ਼ਪੁਰ ਦੇ ਇਸ ਫ਼ਾਰਮ ਦੀਆਂ 600 ਗਊਆਂ ਹੁਣ ਵਾਰੀ ਸਿਰ ਲੋੜਵੰਦਾਂ ਨੂੰ ਦਿੱਤੀਆਂ ਜਾ ਰਹੀਆਂ ਹਨ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: ਰੋਜ਼ਾਨਾ ਸਪੋਕਸਮੈਨ
