ਜਲਦ ਹੀ ਪੰਜਾਬ ਦੇ ਕਿਸਾਨ ਇੰਡੀਅਨ ਆਇਲ ਦੇ ਰਿਟੇਲ ਆਊਟਲੈਟ ਤੇ ਉਧਾਰ ਵਿੱਚ ਡੀਜ਼ਲ ਤੇ ਪੈਟਰੋਲ ਲੈ ਸਕਣਗੇ। ਸਹੂਲਤ ਮੁਤਾਬਕ ਕਿਸਾਨ ਪੈਸਿਆਂ ਦੀ ਅਦਾਇਗੀ ਫਸਲ ਆਉਣ ਤੋਂ ਬਾਅਦ ਕਰ ਸਕਦੇ ਹਨ। ਸਹਿਕਾਰਤਾ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਸਰਕਾਰ ਦਾ ਇੰਡੀਅਨ ਆਇਲ ਨਾਲ ਕਰਾਰ ਹੋਇਆ ਹੈ। ਇੰਡੀਅਨ ਆਇਲ ਨਿਗਮ ਪੰਜਾਬ ਵਿੱਚ ਸਹਿਕਾਰੀ ਸੰਸਥਾਵਾਂ ਦੀ ਖਾਲੀ ਜ਼ਮੀਨ ਤੇ ਆਪਣੇ ਰਿਟੇਲ ਆਊਟਲੈਟ ਖੋਲ੍ਹੇਗਾ।
ਰੰਧਾਵਾ ਨੇ ਦੱਸਿਆ ਕਿ ਖੰਡ ਮਿੱਲਾਂ ਵੱਲੋਂ ਗੰਨਾ ਕਾਸ਼ਤਕਾਰਾਂ ਨੂੰ ਮਿੱਲਾਂ ਵਿੱਚ ਹੀ ਉਧਾਰ ਤੇਲ ਦੀ ਸਪਲਾਈ ਕੀਤੀ ਜਾਏਗੀ। ਫਿਲਹਾਲ ਪਹਿਲੇ ਗੇੜ ਵਿੱਚ 15 ਥਾਈਂ ਆਊਟਲੈਟ ਖੋਲ੍ਹੇ ਜਾ ਰਹੇ ਹਨ। ਇੰਡੀਅਨ ਆਇਲ ਦੇ ਅਧਿਕਾਰੀ ਸੁਜਾਏ ਚੌਧਰੀ ਨੇ ਦੱਸਿਆ ਕਿ ਪੰਜਾਬ ਕਿਸਾਨਾਂ ਲਈ ਇਸ ਤਰ੍ਹਾਂ ਦੀ ਪਹਿਲ ਸ਼ੁਰੂ ਕਰਨ ਵਾਲਾ ਪਹਿਲਾ ਸੂਬਾ ਹੈ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: ਏ.ਬੀ.ਪੀ. ਸਾਂਝਾ