ਪਿਛਲੇ ਕਈ ਸਾਲ ਤੋਂ ਆਲੂ ਦੀ ਫਸਲ ਨਾਲ ਕਿਸਾਨਾਂ ਨੂੰ ਘਾਟਾ ਹੋ ਰਿਹਾ ਸੀ। ਕਿਸਾਨਾਂ ਲਈ ਆਲੂ ਦੀ ਖੇਤੀ ਘਾਟੇ ਦਾ ਸੌਦਾ ਸਾਬਤ ਹੋ ਰਹੀ ਸੀ। ਹੁਣ ਤਿੰਨ ਸਾਲ ਬਾਅਦ ਕਿਸਾਨਾਂ ਨੂੰ ਆਲੂਆਂ ਦੀ ਖੇਤੀ ਦੇ ਸ਼ਾਨਦਾਰ ਭਾਅ ਮਿਲ ਰਹੇ ਹਨ। ਇਸ ਲਈ ਆਲੂ ਕਿਸਾਨਾਂ ਲਈ ਬਦਾਮ ਬਣ ਗਏ ਹਨ। ਜੀ ਹਾਂ, ਕਿਸਾਨਾਂ ਨੂੰ ਇਸ ਵਾਰ ਆਲੂ ਤੋਂ ਮੁਨਾਫਾ ਮਿਲ ਰਿਹਾ ਹੈ। ਇਸ ਵਾਰ ਪ੍ਰਤੀ ਏਕੜ 150 ਕੁਇੰਟਲ ਆਲੂ ਹੋਏ ਜਿਨ੍ਹਾਂ ਦੀ ਕੀਮਤ 1300 ਰੁਪਏ ਪ੍ਰਤੀ ਕੁਇੰਟਲ ਲੱਗ ਰਹੀ ਹੈ।
ਇਲਾਕੇ ਦੇ ਕਿਸਾਨਾਂ ਦਾ ਕਹਿਣਾ ਹੈ ਕਿ ਪਿਛਲੇ ਸਾਲ ਤਕ ਜਿੱਥੇ ਆਲੂ ਦੀ ਫਸਲ ਚੰਗੀ ਸੀ ਪਰ ਬਾਜ਼ਾਰ ਚ ਦਾਮ ਸਹੀਂ ਨਹੀਂ ਸੀ ਜਿਸ ਕਰਕੇ ਉਨ੍ਹਾਂ ਨੂੰ ਕਾਫੀ ਘਾਟਾ ਹੋਇਆ, ਪਰ ਇਸ ਸਾਲ ਫਸਲ ਵੀ ਬੰਪਰ ਹੋਈ ਤੇ ਕੀਮਤਾਂ ਵੀ ਚੰਗੀਆਂ ਮਿਲ ਰਹੀਆਂ ਹਨ। ਉਨ੍ਹਾਂ ਦੱਸਿਆ ਕਿ ਬਾਜ਼ਾਰ ਚ ਆਲੂ 12-14 ਰੁਪਏ ਕਿਲੋ ਵਿਕ ਰਿਹਾ ਹੈ।
ਇਸ ਦੇ ਨਾਲ ਹੀ ਆਲੂ ਦੀ ਖੇਤੀ ਕਰਨ ਵਾਲੇ ਕਿਸਾਨਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਕੀਮਤ ਮਿਲਦੀ ਰਹੀ ਤਾਂ ਇਲਾਕੇ ਦੇ ਹੋਰ ਕਿਸਾਨ ਵੀ ਇਸ ਵੱਲ ਪ੍ਰੇਰਿਤ ਹੋਣਗੇ। ਇਸ ਨਾਲ ਕਿਸਾਨ ਹੋਰ ਫਸਲਾਂ ਵੱਲ ਵੀ ਖੇਤੀ ਲਈ ਧਿਆਨ ਦੇ ਸਕਣਗੇ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: ਏ.ਬੀ.ਪੀ. ਸਾਂਝਾ
