ਛੱਤੀਸਗੜ੍ਹ ਦੇ ਬਿਲਾਸਪੁਰ ਵਿੱਚ ਠਾਕੁਰ ਛੇਦੀਲਾਲ ਬੈਰਿਸਟਰ ਖੇਤੀ ਕਾਲਜ ਤੇ ਖੋਜ ਕੇਂਦਰ ਦੇ ਵਿਗਿਆਨੀਆਂ ਨੇ ਅੰਬ ਦੇ ਘਟਦੇ ਦਰੱਖ਼ਤਾਂ ਬਾਰੇ ਚਿੰਤਾ ਪ੍ਰਗਟ ਕਰਦਿਆਂ ਨਿਵੇਕਲੀ ਮੁਹਿੰਮ ਸ਼ੁਰੂ ਕੀਤੀ ਹੈ। ਉਨ੍ਹਾਂ ਸ਼ਹਿਰ ਦੇ ਲੋਕਾਂ ਨੂੰ ਕਿਹਾ ਹੈ ਕਿ ਉਹ ਅੰਬ ਖਾਣ ਪਰ ਗਿੱਟਕਾਂ ਨਾ ਸੁੱਟਣ, ਸਗੋਂ ਸੰਭਾਲ ਕੇ ਰੱਖਣ।
ਖੇਤੀ ਵਿਗਿਆਨੀਆਂ ਨੇ ਬੁੱਢੇ ਹੋ ਚੁੱਕੇ ਅੰਬ ਦੇ ਦਰੱਖ਼ਤਾਂ ਨੂੰ ਜਵਾਨ ਬਣਾਉਣ ਲਈ ਨਵਾਂ ਪ੍ਰਯੋਗ ਕੀਤਾ ਹੈ। ਅੰਬ ਦੇ ਦਰੱਖ਼ਤਾਂ ਨੂੰ ਕ੍ਰਾਫਟ ਕਰ ਕੇ ਇਨ੍ਹਾਂ ਵਿੱਚ ਬੋਡੋਪੇਸਟ ਕੀਤਾ ਗਿਆ ਹੈ। ਇਸ ਤਕਨੀਕ ਨਾਲ ਸੁੱਕੇ ਹੋਏ ਤਕਰੀਬਨ 150 ਦਰੱਖ਼ਤਾਂ ਤੇ ਹਰਿਆਲੀ ਛਾ ਗਈ ਹੈ। ਨਵੇਂ ਤਣੇ, ਪੱਤੇ ਉੱਗ ਆਏ ਹਨ ਤੇ ਆਉਣ ਵਾਲੇ ਦਿਨਾਂ ਵਿੱਚ ਇਸ ਤੇ ਮੁੜ ਤੋਂ ਫਲ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਦਰੱਖ਼ਤਾਂ ਦੀ ਉਮਰ 40 ਤੋਂ 50 ਸਾਲ ਹੈ
ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਨਵਾਂ ਜੀਵਨ ਪਾ ਕੇ ਅੰਬ ਦੇ ਇਹ ਦਰੱਖ਼ਤ ਪਹਿਲਾਂ ਤੋਂ ਵੀ ਵੱਧ ਫਲ ਦੇਣਗੇ। ਉਨ੍ਹਾਂ ਇਸ ਤਕਨੀਕ ਨਾਲ ਲੰਗੜਾ, ਬਦਾਮੀ, ਚੌਸਾ, ਤੋਤਾ ਤੇ ਸੁੰਦਰਜਾ ਕਿਸਮਾਂ ਦੇ ਅੰਬਾਂ ਨੂੰ ਮੁੜ ਸੁਰਜੀਤ ਕੀਤਾ ਹੈ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: ਏ.ਬੀ.ਪੀ. ਸਾਂਝਾ