ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇੱਕ ਦਰੱਖ਼ਤ ਤੇ ਇੱਕ ਹੀ ਕਿਸਮ ਦਾ ਫਲ ਲੱਗ ਸਕਦਾ ਹੈ, ਪਰ ਹੁਣ ਅਜਿਹਾ ਵੀ ਸੰਭਵ ਹੈ ਕਿ ਇੱਕੋ ਦਰੱਖ਼ਤ ਨੂੰ 40 ਕਿਸਮਾਂ ਦੇ ਫਲ ਲੱਗ ਸਕਦੇ ਹਨ। ਜੀ ਹਾਂ, ਅਮਰੀਕਾ ਵਿੱਕ ਵਿਜ਼ੂਅਲ ਆਰਟ ਦੇ ਪ੍ਰੋਫੈਸਰ ਨੇ ਇਹ ਕਾਰਨਾਮਾ ਕੀਤਾ ਹੈ, ਜੋ ਆਮ ਬੰਦੇ ਦੀ ਜੇਬ ਤੇ ਭਾਰੀ ਪੈ ਸਕਦਾ ਹੈ। ਉਨ੍ਹਾਂ ਟ੍ਰੀ ਆਫ 40 ਨਾਂ ਦਾ ਬੂਟਾ ਤਿਆਰ ਕੀਤਾ ਹੈ ਜੋ ਬੇਰ, ਸਤਾਲੂ, ਖੁਰਮਾਨੀ, ਚੈਰੀ ਤੇ ਨੈਕਟਰਾਈਨ ਜਿਹੇ ਕਈ ਫਲ ਲੱਗਦੇ ਹਨ।
ਹਾਲਾਂਕਿ, ਫੰਡਾਂ ਦੀ ਕਮੀ ਕਾਰਨ ਹੁਣ ਉਨ੍ਹਾਂ ਦਾ ਇਹ ਬਾਗ਼ ਬੰਦ ਹੋ ਚੁੱਕਾ ਹੈ। ਪਰ ਉਨ੍ਹਾਂ ਦੁਨੀਆ ਨੂੰ ਨਵੀਂ ਸੇਧ ਜ਼ਰੂਰ ਦਿੱਤੀ ਹੈ। ਗ੍ਰਾਫਟਿੰਗ ਤਕਨੀਕ ਨਾਲ ਬੂਟਾ ਤਿਆਰ ਕਰਨ ਲਈ ਸਰਦੀਆਂ ਵਿੱਚ ਦਰੱਖ਼ਤ ਦੀ ਟਾਹਣੀ ਉਸ ਦੀ ਟੂਸੇ ਸਮੇਤ ਵੱਖ ਕੀਤੀ ਜਾਂਦੀ ਹੈ। ਇਸ ਤੋਂ ਬਾਅਦ ਟਾਹਣੀ ਨੂੰ ਮੁੱਖ ਦਰੱਖ਼ਤ ਵਿੱਚ ਸੁਰਾਖ ਕਰਕੇ ਲਾਇਆ ਜਾਂਦਾ ਹੈ। ਇਸ ਜੋੜ ਤੇ ਪੋਸ਼ਕ ਤੱਤਾਂ ਦਾ ਲੇਪ ਲਾ ਕੇ ਪੂਰੀਆਂ ਸਰਦੀਆਂ ਲਈ ਪੱਟੀ ਬੰਨ੍ਹ ਦਿੱਤੀ ਜਾਂਦੀ ਹੈ। ਇਸ ਦੌਰਾਨ ਟਾਹਣੀ ਮੁੱਖ ਦਰੱਖ਼ਤ ਨਾਲ ਜੁੜ ਜਾਂਦੀ ਹੈ ਤੇ ਇਸ ਤੇ ਫਲ ਫੁੱਲ ਉੱਗਣ ਲੱਗਦੇ ਹਨ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: ਏ.ਬੀ.ਪੀ. ਸਾਂਝਾ