ਕਿਹਾ ਜਾਂਦਾ ਹੈ ਕਿ ਜੇਕਰ ਮਨ ਵਿਚ ਕੁਝ ਕਰਨ ਦੀ ਇੱਛਾ ਹੋਵੇ ਤਾਂ ਵੱਡੀ ਤੋਂ ਵੱਡੀ ਮੁਸ਼ਕਲ ਵੀ ਤੁਹਾਡਾ ਰਸਤਾ ਨਹੀਂ ਰੋਕ ਸਕਦੀ ਅਤੇ ਹਿੰਮਤ ਕਰਨ ਨਾਲ ਮੁਸ਼ਕਲ ਰਸਤੇ ਵੀ ਆਸਾਨ ਹੋ ਜਾਂਦੇ ਹਨ। ਤੁਹਾਨੂੰ ਅੱਜ ਇਸ ਤਰ੍ਹਾਂ ਦੇ ਹੀ ਵਿਅਕਤੀ ਬਾਰੇ ਦੱਸ ਰਹੇ ਜਾਂ ਜਿਨ੍ਹਾਂ ਨੇ ਅਪਣੀ ਮੈਨੇਜਰ ਦੀ ਨੌਕਰੀ ਛੱਡ ਕੇ ਬੰਜਰ ਜ਼ਮੀਨ ਉਤੇ ਕੀਵੀ ਦੀ ਖੇਤੀ ਦਾ ਕੰਮ ਸ਼ੁਰੂ ਕੀਤਾ।
ਵਿਪਰੋ ਕੰਪਨੀ ਵਿਚ ਮੈਨੇਜਰ ਦੇ ਅਹੁਦੇ ਉਤੇ ਕੰਮ ਕਰਦੇ ਸਨ ਮਨਦੀਪ:- ਦੱਸਿਆ ਜਾਂਦਾ ਹੈ ਕਿ ਖਾਣ ਵਿਚ ਸਵਾਦ ਅਤੇ ਹਾਜ਼ਮੇ ਵਾਲਾ ਕੀਵੀ ਸਰੀਰ ਨੂੰ ਊਰਜਾ ਵੀ ਭਰਪੂਰ ਦਿੰਦਾ ਹੈ। ਮਨਦੀਪ ਨੇ ਐਮਬੀਏ ਕਰਨ ਤੋਂ ਬਾਅਦ ਵਿਪਰੋ ਕੰਪਨੀ ਵਿਚ ਮੈਨੇਜਰ ਦੇ ਅਹੁਦੇ ਵਜੋਂ ਅਪਣੇ ਕੈਰੀਅਰ ਦੀ ਸ਼ੁਰੂਆਤ ਕੀਤੀ। ਫਿਰ ਉਨ੍ਹਾਂ ਨੇ ਅਪਣਈ ਨੌਕਰੀ ਛੱਡ ਕੇ ਬੰਜਰ ਜ਼ਮੀਨ ਉਤੇ ਕੀਵੀ ਦੀ ਪੈਦਾਵਾਰ ਕੀਤੀ। ਪਰਵਾਰ ਦੀ ਸਹਾਇਤਾ ਨਾਲ ਅਤੇ ਖੇਤੀਬਾੜੀ ਮਾਹਰਾਂ ਦੀ ਸਹਾਇਤਾ ਨਾਲ ਅੱਜ ਉਹ ਵੈਬਸਾਈਟ ਦੇ ਜ਼ਰੀਏ ਦੇਸ਼ ਭਰ ਵਿਚ ਕੀਵੀ ਵੇਚ ਰਹੇ ਹਨ।
ਉਨ੍ਹਾਂ ਦੀ ਕੀਵੀ ਦਾ ਸਵਾਦ ਦੇਸ਼ ਭਰ ਦੇ ਲੋਕਾਂ ਨੂੰ ਬਹੁਤ ਪਸੰਦ ਆ ਰਿਹਾ ਹੈ। ਉਨ੍ਹਾਂ ਦੀ ਪਤਨੀ ਸੁਚੇਤਾ ਵਰਮਾ ਕੰਪਨੀ ਦੀ ਸਕੱਤਰ ਹੈ। ਸਾਢੇ ਸੱਤ ਸਾਲ ਪਹਿਲਾਂ ਉਨ੍ਹਾਂ ਨੇ ਘਰ ਦੇ ਕੋਲ ਬੰਜਰ ਜ਼ਮੀਨ ਉਤੇ ਖੇਤੀਬਾੜੀ ਦਾ ਵਿਚਾਰ ਕੀਤਾ। ਸੋਲਨ ਦੇ ਖੇਤੀਬਾਰੀ ਵਿਭਾਗ ਅਤੇ ਡਾ. ਯਸ਼ਵੰਤ ਸਿੰਘ ਪਰਮਾਰ ਯੂਨੀਵਰਸਿਟੀ ਦੇ ਵਿਗਿਆਨਕਾਂ ਨਾਲ ਗੱਲ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਮਾਹਰਾਂ ਦੀ ਸਲਾਹ ਨਾਲ ਪਹਾੜੀ ਖੇਤਰ ਵਿਚ ਕੀਵੀ ਦਾ ਬਾਗ ਤਿਆਰ ਕਰਨ ਦਾ ਮਨ ਬਣਾ ਲਿਆ।
14 ਲੱਖ ਵਿਚ ਬਗੀਚਾ ਤਿਆਰ ਕਰਕੇ ਵੈਬਸਾਈਟ ਬਣਾਈ:- ਉਨ੍ਹਾਂ ਨੇ 14 ਬੀਘਾ ਜ਼ਮੀਨ ਉਤੇ ਕੀਵੀ ਦਾ ਬਗੀਚਾ ਲਗਾਇਆ। ਬਾਗ ਵਿਚ ਉਨ੍ਹਾਂ ਨੇ ਕੀਵੀ ਦੀਆਂ ਵਧੀਆ ਕਿਸਮਾਂ ਏਲਿਸਨ ਅਤੇ ਹੈਬਰਡ ਦੇ ਪੌਦੇ ਲਗਾਏ। ਇਸ ਤੋ ਇਲਾਵਾ ਉਨ੍ਹਾਂ ਨੇ ਕਰੀਬ 14 ਲੱਖ ਰੁਪਏ ਵਿਚ ਬਗੀਚਾ ਤਿਆਰ ਕਰਕੇ ਵੈਬਸਾਈਟ ਬਣਾਈ।
ਆਨ ਲਾਈਨ ਕੀਵੀ ਹੈਦਰਾਬਾਦ, ਬੰਗਲੂਰੁ, ਦਿੱਲੀ, ਉਤਰਾਖੰਡਾ, ਪੰਜਾਬ ਹਰਿਆਣਾ, ਅਤੇ ਚੰਡੀਗੜ੍ਹ ਵਿਚ ਵੇਚਿਆ ਜਾ ਰਿਹਾ ਹੈ। ਇਕ ਡੱਬੇ ਵਿਚ ਇਕ ਕਿਲੋ ਕੀਵੀ ਪੈਕ ਹੁੰਦੀ ਹੈ ਅਤੇ ਇਸ ਦਾ ਮੁੱਲ 350 ਰੁਪਏ ਡੱਬਾ ਹੈ। ਸੋਲਨ ਵਿਚ ਕੀਵੀ 150 ਰੁਪਏ ਕਿਲੋ ਦੇ ਹਿਸਾਬ ਨਾਲ ਵਿਕ ਰਹੀ ਹੈ। ਮਨਦੀਪ ਨੇ ਕਿਹਾ ਕਿ ਦੇਸ਼ ਵਿਚ ਕੀਵੀ ਦੀ ਸ਼ੁਰੂਆਤ ਹਿਮਾਚਲ ਤੋਂ ਹੀ ਹੋਈ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: ਰੋਜ਼ਾਨਾ ਸਪੋਕਸਮੈਨ
