ਅੱਜ ਦੇ ਸਮੇਂ ਵਿਚ ਕਿਸਾਨ ਪੌਲੀ ਹਾਊਸ ਵਿਚ ਸਬਜ਼ੀਆਂ ਦੀ ਖੇਤੀ ਕਰਕੇ ਸਾਲ ਭਰ ਉਤਪਾਦਨ ਲੈ ਰਹੇ ਹਨ। ਏਹੀ ਕਾਰਨ ਹੈ ਕਿ ਮੌਸਮ ਖ਼ਤਮ ਹੋਣ ਦੇ ਬਾਅਦ ਕੀਮਤ ਵਿਚ ਵਧੀਆ ਮਿਲਦੀ ਹੈ। ਖੇਤੀਬਾੜੀ ਮਾਹਿਰ ਦੇ ਅਨੁਸਾਰ, ਖੁੱਲੇ ਵਿਚ ਖੇਤੀ ਦੇ ਮੁਕਾਬਲੇ ਪੌਲੀ ਹਾਊਸ ਵਿਚ ਸਬਜ਼ੀਆਂ ਦਾ ਉਤਪਾਦਨ 3 ਤੋਂ 4 ਗੁਣਾ ਵੱਧ ਹੁੰਦਾ ਹੈ। ਇਸ ਤੋਂ ਕਿਸਾਨਾਂ ਨੂੰ ਵੀ ਲਾਭ ਹੋ ਰਿਹਾ ਹੈ। ਪੌਲੀ ਹਾਊਸ ਵਿਚ ਸਬਜ਼ੀਆਂ ਦੀ ਖੇਤੀ ਕਰਕੇ ਪੰਜਾਬ ਦੇ ਕਿਸਾਨ ਮੇਹਰਬਾਨ ਸਿੰਘ ਅੱਜ ਵਧੀਆ ਕਮਾਈ ਕਰ ਰਹੇ ਹਨ ਅਤੇ ਆਲੇ ਦੁਆਲੇ ਦੇ ਕਿਸਾਨਾਂ ਦੇ ਲਈ ਪ੍ਰੇਰਨਾ ਦਾ ਸਰੋਤ ਬਣ ਗਏ ਹਨ।
ਮੇਹਰਬਾਨ ਸਿੰਘ ਪੰਜਾਬ ਦੇ ਪਟਿਆਲਾ ਜਿਲ੍ਹੇ ਦੇ ਰਹਿਣ ਵਾਲ਼ੇ ਹਨ। ਉਨ੍ਹਾਂ ਦੇ ਪਿਤਾ ਦੀ ਮੌਤ ਤੋਂ ਬਾਅਦ ਜਦ ਉਨ੍ਹਾਂ ਤੇ ਜ਼ਿੰਮੇਵਾਰੀ ਆਈ ਤਾਂ ਉਨ੍ਹਾਂ ਨੇ ਪਹਿਲਾਂ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਤੋਂ ਤਿੰਨ ਮਹੀਨੇ ਦੀ ਸਿਖਿਆ ਲਈ ਅਤੇ 2020 ਤੋਂ ਖੇਤੀ ਵਿਚ ਜੁੜ ਗਏ। ਅੱਜ ਮੇਹਰਬਾਨ ਸਿੰਘ ਰਵਾਇਤੀ ਖੇਤੀ ਨੂੰ ਆਧੁਨਿਕ ਖੇਤੀ ਵਿੱਚ ਤਬਦੀਲ ਕਰ ਦਿੱਤਾ ਹੈ। ਉਹ ਨੈੱਟ ਅਤੇ ਪੋਲੀ ਹਾਊਸ ਵਿੱਚ ਸੁਰੱਖਿਅਤ ਖੇਤੀ ਕਰ ਰਹੇ ਹਨ।
5 ਏਕੜ ਵਿਚ ਪੌਲੀ ਹਾਊਸ ਬਣਾ ਕੇ ਕਰਦੇ ਹਨ ਖੇਤੀ
ਸ਼ੁਰੂਆਤ ਵਿਚ ਮੇਹਰਬਾਨ ਸਿੰਘ ਨੇ ਬਾਂਸ ਤੋਂ ਪੌਲੀ ਹਾਊਸ ਤਿਆਰ ਕੀਤਾ। ਇਸ ਵਿਚ ਉਨ੍ਹਾਂ ਨੇ ਸ਼ਿਮਲਾ ਮਿਰਚ, ਘੀਆ ਅਤੇ ਟਮਾਟਰ ਦੀ ਖੇਤੀ ਸ਼ੁਰੂ ਕੀਤੀ। ਉਤਪਾਦਨ ਵਧੀਆ ਅਤੇ ਕਮਾਈ ਹੋਈ ਤਾਂ ਇਕ ਏਕੜ ਵਿਚ ਪੌਲੀ ਹਾਊਸ ਬਣਾ ਕੇ ਖੇਤੀ ਕਰਨ ਲੱਗੇ। ਫਿਲਹਾਲ ਉਹ 30 ਏਕੜ ਜਮੀਨ ਵਿੱਚੋ 5 ਏਕੜ ਤੇ ਪੌਲੀ ਹਾਊਸ ਵਿਚ ਖੇਤੀ ਕਰ ਰਹੇ ਹਨ। ਫ਼ਸਲਾਂ ਨੂੰ ਵੱਧ ਤਾਪਮਾਨ ਤੋਂ ਬਚਾਉਣ ਦੇ ਲਈ ਉਹ ਡਰਿਪ ਸਿੰਚਾਈ ਕੇ ਨਾਲ-ਨਾਲ ਸਪ੍ਰਿੰਕਲਰ ਸਿੰਚਾਈ ਵੀ ਕਰਦੇ ਹਨ। ਇਸ ਵਿਚ 70% ਪਾਣੀ ਦੀ ਬਚਤ ਹੋ ਜਾਂਦੀ ਹੈ ।
ਇਸ ਦੇ ਨਾਲ ਹੀ ਮੇਹਰਬਾਨ ਸਿੰਘ ਨੇ ਬਿਨਾਂ ਮਿੱਟੀ ਤੋਂ ਨਰਸਰੀ ਵੀ ਤਿਆਰ ਕੀਤੀ ਹੈ। ਇਸ ਵਿਚ ਪੌਦੇ ਨੂੰ ਪੌਲੀ ਹਾਊਸ ਵਿਚ ਟਰੇਅ ਵਿਚ ਉਗਾਇਆ ਜਾਂਦਾ ਹੈ। ਖੇਤੀ ਵਿੱਚ ਵਰਮੀ ਕੰਪੋਸਟ ਦੀ ਵਰਤੋਂ ਕਰਦੇ ਹਨ। ਟਮਾਟਰ ਤੋਂ ਪੈਦਾਵਾਰ ਲੈਣ ਦੇ ਬਾਅਦ ਉਹ ਪੌਦੇ ਦੀ ਵਰਤੋਂ ਕਰੇਲੇ ਦੀ ਬੇਲ ਨੂੰ ਵਧਾਉਣ ਵਿਚ ਕਰਦੇ ਹਨ। ਉਹ ਆਪਣੇ ਤਜਰਬੇ ਨਾਲ ਉਹ ਕਿਸਾਨਾਂ ਨੂੰ ਖੇਤੀ ਵਿੱਚ ਨਵਾਂ ਰਾਹ ਦਿਖਾ ਰਿਹਾ ਹੈ।
ਇਲਾਕੇ ਦੇ ਕਿਸਾਨ ਵੀ ਕਰ ਰਹੇ ਹਨ ਨਵੇਂ ਤਜਰਬੇ
ਪੌਲੀ ਹਾਊਸ ਵਿਚ ਖੇਤੀ ਨੂੰ ਮੇਹਰਬਾਨ ਸਿੰਘ ਬਹੁਤ ਲਾਭਦਾਇਕ ਮੰਨਦੇ ਹਨ। ਉਹ ਕਹਿੰਦੇ ਹਨ ਕਿ ਪੌਲੀ ਹਾਊਸ ਤੋਂ ਪ੍ਰਾਪਤ ਪੈਦਾਵਾਰ ਦੀ ਗੁਣਵਤਾ ਖੁਲੇ ਖੇਤਾਂ ਤੋਂ ਮਿਲੇ ਪੈਦਾਵਾਰ ਤੋਂ ਵਧੀਆ ਹੁੰਦੀ ਹੈ। ਇਸ ਵਜਾਹ ਤੋਂ ਪੈਦਾਵਾਰ ਦੀ ਰਕਮ ਵੀ ਵੱਧ ਹਾਸਲ ਹੁੰਦੀ ਹੈ।
ਮੇਹਰਬਾਨ ਸਿੰਘ ਨੇ ਕੁਝ ਕਿਸਾਨਾਂ ਦੇ ਨਾਲ ਮਿਲਕੇ ਸਵੈ ਸਹਾਇਤਾ ਸਮੂਹ ਗਰੁੱਪ ਵੀ ਬਣਾਇਆ ਹੋਇਆ ਹੈ। ਇਸ ਵਿਚ ਸ਼ਾਮਲ ਕਿਸਾਨ ਆਧੁਨਿਕ ਤਕਨੀਕਾਂ ਦੀ ਵਰਤੋਂ ਕਰਦੇ ਹਨ। ਪੈਦਾਵਾਰ ਆਉਣ ਦੇ ਬਾਅਦ ਆਪਸ ਵਿਚ ਕੀਮਤ ਤੇ ਚਰਚਾ ਕਰਕੇ ਮੰਡੀ ਵਿਚ ਲੈ ਜਾਂਦੇ ਹਨ। ਖੇਤੀਬਾੜੀ ਵਿਚ ਉਨ੍ਹਾਂ ਦੇ ਯੋਗਦਾਨ ਦੇ ਲਈ ਕਈ ਇਨਾਮ ਮਿਲ ਚੁਕੇ ਹਨ। ਇਲਾਕੇ ਦੇ ਕਿਸਾਨ ਉਨ੍ਹਾਂ ਨੂੰ ਦੇਖ ਕੇ ਰਵਾਇਤੀ ਖੇਤੀ ਛੱਡ ਕੇ ਨਵੇਂ-ਨਵੇਂ ਤਜਰਬੇ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਸਫਲਤਾ ਮਿਲ ਰਹੀ ਹੈ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: Krishi Jagran
