This content is currently available only in Punjabi language.
ਬਠਿੰਡਾ ਦੇ ਗੁਰੂ ਨਾਨਕ ਦੇਵ ਥਰਮਲ ਪਲਾਂਟ ਨੂੰ ਪਰਾਲੀ ਨਾਲ ਚਲਾਉਣ ਦੀ ਗੱਲ ਤੇਜ਼ੀ ਨਾਲ ਅੱਗੇ ਵਧੀ ਹੈ। ਡੈਨਮਾਰਕ ਦੀ ਇਕ ਕੰਪਨੀ ਨੇ ਕੁਝ ਸਮਾਂ ਪਹਿਲਾਂ ਬਠਿੰਡਾ ਥਰਮਲ ਦੇ ਅਧਿਕਾਰੀਆਂ ਨਾਲ ਵੀਡੀਓ ਕਾਨਫਰੰਸਿੰਗ ਰਾਹੀਂ ਰਾਬਤਾ ਬਣਾਇਆ ਸੀ ਤੇ ਅੱਜ ਇਸ ਟੀਮ ਨੇ ਥਰਮਲ ਦਾ ਦੌਰਾ ਵੀ ਕੀਤਾ। ਥਰਮਲ ਵਿਚ ਮੌਜੂਦ ਮਸ਼ੀਨਰੀ ਤੇ ਹੋਰ ਪ੍ਰਬੰਧਾਂ ਨੂੰ ਵੇਖ ਕੇ ਡੈਨਮਾਰਕ ਦੀ ਬੀਡਬਲਿਊਐਸਸੀ ਕੰਪਨੀ ਦੇ ਜਨਰਲ ਮੈਨੇਜਰ ਮਿਸਟਰ ਫਲੈਮਿੰਗ ਨੇ ਇਸ ਵਿਚ ਕਾਫ਼ੀ ਰੁਚੀ ਵਿਖਾਈ ਹੈ।
ਨਵੇਂ ਪ੍ਰਾਜੈਕਟ ਨਾਲ ਘਟੇਗਾ ਹਵਾ ਪ੍ਰਦੂਸ਼ਣ
ਨਵੇਂ ਪ੍ਰਾਜੈਕਟ ਨਾਲ ਪਿਛਲੇ ਕਈ ਸਾਲਾਂ ਤੋਂ ਪਰਾਲੀ ਨਾਲ ਪੈਦਾ ਹੋਣ ਵਾਲੇ ਪ੍ਰਦੂਸ਼ਣ ਦਾ ਮਸਲਾ ਵੀ ਕਾਫ਼ੀ ਹੱਦ ਤੱਕ ਹੱਲ ਹੋਵੇਗਾ। ਇਸ ਥਰਮਲ ਵਿਚ ਸਾਲਾਨਾ 4 ਲੱਖ ਟਨ ਪਰਾਲੀ ਦੀ ਖ਼ਪਤ ਹੋਵੇਗੀ, ਜਦੋਂਕਿ ਰੋਜ਼ਾਨਾ 1250 ਟਨ ਪਰਾਲੀ ਵਰਤੋਂ ਵਿਚ ਲਿਆਂਦੀ ਜਾਇਆ ਕਰੇਗੀ। ਮਾਹਿਰਾਂ ਅਨੁਸਾਰ ਪਰਾਲੀ ’ਚ 16 ਫ਼ੀਸਦੀ ਸੁਆਹ ਹੁੰਦੀ ਹੈ, ਜਦੋਂਕਿ ਕੋਲੇ ਵਿਚ 40 ਫ਼ੀਸਦੀ ਹੁੰਦੀ ਹੈ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: Punjabi Tribune