ਹੁਣ ਪੰਜਾਬ ਵਿਚ ਡਰੋਨਾਂ ਰਾਹੀਂ ਖੇਤੀ ਹੋਵੇਗੀ। ਹਰ ਡਰੋਨ ਦੀ ਅਪਣੀ ਵੱਖਰੀ ਖ਼ਾਸੀਅਤ ਹੈ। ਇੱਕ ਡਰੋਨ ਸਪਰੇਅ ਕਰਨ ਦੇ ਕੰਮ ਕਰਨ ਦੇ ਨਾਲ ਮਿੱਟੀ ਬਾਰੇ ਜਾਣਕਾਰੀ ਦਿੰਦਾ ਹੈ। ਹਰ ਫ਼ਰ ਲਈ ਬਿਨ੍ਹਾ ਲੇਬਰ ਤੋਂ ਸਪਰੇਅ ਦਾ ਕੰਮ ਕਰਦਾ ਹੈ। ਦੱਖਣੀ ਭਾਰਤ ਵਿਚ ਕਿਸਾਨ ਡਰੋਨ ਇਸਤੇਮਾਲ ਕਰ ਰਹੇ ਹਨ। ਹੁਣ ਇਸ ਵੱਲ ਪੰਜਾਬ ਦੇ ਕਿਸਾਨਾਂ ਦੀ ਵੀ ਰੁਚੀ ਵੱਧ ਰਹੀ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ 50 ਮਿੰਟ ਵਿਚ 10 ਏਕੜ ਦੀ ਫ਼ਸਲ ਬਾਰੇ ਜਾਣਕਾਰੀ ਦੇ ਦਿੰਦਾ ਹੈ।ਦੇਖਣ ਨੂੰ ਇਹ ਡਰੋਨ ਬੜਾ ਹੀ ਤਕਨੀਕੀ ਲੱਗਦਾ ਹੈ ਪਰ ਇਸਨੂੰ ਕਿਸਾਨ ਆਰਾਮ ਨਾਲ ਚਲਾ ਸਕਦਾ ਹੈ। ਇਸਨੂੰ ਹਰ ਮੋਬਾਇਲ ਚਲਾਉਣ ਵਾਲਾ ਵਿਅਕਤੀ ਚਲਾ ਸਕਦਾ ਹੈ। ਡਰੋਨ ਦੀ ਵਰਤੋਂ ਕਰਨ ਲਈ ਪ੍ਰਸ਼ਾਸ਼ਨ ਤੋਂ ਇਜ਼ਾਜਤ ਲੈਣੀ ਪੈਂਦੀ ਹੈ ਪਰ ਇਨ੍ਹਾਂ ਡਰੋਨਾਂ ਉੱਤੇ ਅਜਿਹੀ ਕੋਈ ਪਾਬੰਦੀ ਨਹੀਂ ਹੈ। ਕੰਪਨੀ ਖ਼ੁਦ ਕਿਸਾਨਾਂ ਨੂੰ ਸਾਰੀ ਕਾਨੂੰਨੀ ਕਾਰਵਾਈ ਕਰਵਾ ਕੇ ਡਰੋਨ ਨੂੰ ਚਲਾਉਣ ਦਾ ਅਧਿਕਾਰ ਦਵਾਉਂਦੀ ਹੈ। ਹੁਣ ਤੁਹਾਡੇ ਮਨ ਵਿਚ ਇਸ ਡਰੋਨ ਦੀ ਕੀਮਤ ਬਾਰੇ ਸਵਾਲ ਹੋਵੇਗਾ। ਅਸਲ ਵਿਚ ਹਰ ਡਰੋਨ ਦੀ ਅਪਣੀ ਵੱਖਰੀ ਖ਼ਾਸੀਅਤ ਕਾਰਨ ਕੀਮਤ ਵੀ ਵੱਖਰੀ ਹੁੰਦੀ ਹੈ।
ਜੇਕਰ ਗੱਲ ਕਰੀਏ ਇਸ ਸਪਰੇਅ ਕਰਨ ਵਾਲੇ ਡਰੋਨ ਦੀ ਤਾਂ ਸਪਰੇਅ ਸਮਰੱਥਾ ਦੇ ਹਿਸਾਬ ਕੀਮਤ ਵੀ ਵੱਖ ਹੈ। ਇਹ ਪੰਜ ਲੱਖ ਤੋਂ ਪੰਦਰਾਂ ਲੱਖ ਰੁਪਏ ਤੱਕ ਹੈ। ਅਤੇ ਦੂਜੀ ਕਿਸਮ ਦਾ ਡਰੋਨ ਪਹਿਲੇ ਨਾਲੋਂ ਬਿਲਕੁੱਲ ਵੱਖਰਾ ਹੈ। ਇਹ ਤਸਵੀਰਾਂ ਖਿੱਚ ਕੇ ਫ਼ਸਲਾਂ ਦੀ ਸਮੱਸਿਆ ਬਾਰੇ ਦੱਸਦਾ ਹੈ। ਇਨ੍ਹਾ ਹੀ ਨਹੀਂ ਇਹ ਤਸਵੀਰਾਂ ਰਾਹੀਂ ਕਿਸਾਨਾਂ ਨੂੰ ਸੁਝਾਅ ਵੀ ਦੇਵੇਗਾ। ਡਰੋਨ ਦੀ ਮੱਦਦ ਨਾਲ ਖੇਤਾਂ ਵਿਚ ਅਵਾਰਾ ਪਸ਼ੂਆਂ ਤੋਂ ਰਾਖੀ ਵੀ ਕੀਤੀ ਜਾ ਸਕਦੀ ਹੈ ਇਕ ਡਰੋਨ ਨਾਲ ਘੱਟੋ ਘੱਟ 400 ਏਕੜ ਜ਼ਮੀਨ ਵਿਚ ਰਾਖੀ ਕੀਤੀ ਜਾ ਸਕਦੀ ਹੈ।
ਡਰੋਨ ਵਿਚ ਅਲਾਰਮ ਲਾ ਕੇ ਪਸ਼ੂਆਂ ਨੂੰ ਡਰਾਇਆ ਜਾ ਸਕਦਾ ਹੈ ਜਿਸ ਨਾਲ ਪਸ਼ੂ ਭੱਜ ਜਾਣਗੇ ਇਸ ਤਰ੍ਹਾਂ ਹੁਣ ਡਾਂਗਾਂ ਲੈ ਕੇ ਪਸ਼ੂਆਂ ਦੇ ਮਗਰ ਭੱਜਣ ਦੀ ਜ਼ਰੂਰਤ ਨਹੀਂ ਬਲਕਿ ਰਿਮੋਰਟ ਕੰਟਰੋਲ ਨਾਲ ਹੀ ਪਸ਼ੂਆਂ ਨੂੰ ਭਜਾਇਆ ਜਾ ਸਕਦਾ ਹੈ।
ਇਸ ਖ਼ਬਰ ਨੂੰ ਆਪਣੀ ਖੇਤੀ ਦੇ ਸਟਾਫ ਦੁਆਰਾ ਸੰਪਾਦਿਤ(ਸੋਧਿਆ) ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਖ਼ਬਰ ਵੱਖ ਵੱਖ ਫੀਡ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।
ਸ੍ਰੋਤ: Rozana Spokesman