Expert Advisory Details

ਕਿਸਾਨਾਂ ਲਈ ਮੌਸਮ ਅਤੇ ਫਸਲਾਂ ਦਾ ਹਾਲ: 

ਆਉਣ ਵਾਲੇ 2-3 ਦਿਨਾਂ ਦੌਰਾਨ ਬਾਰਿਸ਼ ਦੀ ਸੰਭਾਵਨਾ ਨੂੰ ਦੇਖਦੇ ਹੋਏ ਕਿਸਾਨ ਵੀਰਾਂ ਨੂੰ ਕਿਸੇ ਵੀ ਫਸਲ ਨੂੰ ਪਾਣੀ ਨਾ ਲਾਉਣ ਅਤੇ ਸਪ੍ਰੇਅ ਨਾ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਖੇਤੀ ਫਸਲਾਂ:

ਬਾਸਮਤੀ ਦੀਆਂ ਕਿਸਮਾਂ ਸੀ ਐਸ ਆਰ 30, ਬਾਸਮਤੀ 370, ਬਾਸਮਤੀ 386 ਅਤੇ ਪੂਸਾ ਬਾਸਮਤੀ 1509 ਦੀ ਪਨੀਰੀ ਦੀ ਖੇਤਾਂ ਵਿੱਚ ਲਵਾਈ ਪੂਰੀ ਕਰ ਲਵੋ ਪਰ ਪਨੀਰੀ ਨੂੰ ਖੇਤ ਵਿੱਚ ਲਗਾਉਣ ਤੋਂ ਪਹਿਲਾ ਪਨੀਰੀ ਨੂੰ 6 ਘੰਟੇ ਲਈ ਬਾਵਿਸਟਨ ਦੇ ਘੋਲ ਵਿੱਚ ਡੋਬਾ ਦਿਉ।ਬਾਸਮਤੀ ਨੂੰ ਯੂਰੀਏ ਦੀ ਪਹਿਲੀ ਕਿਸ਼ਤ ਲੁਆਈ ਤੋਂ 3 ਹਫ਼ਤੇ ਬਾਅਦ ਪਾਉ।

ਝੋਨੇ ਦੀ ਲੁਆਈ ਤੋਂ 15 ਦਿਨਾਂ ਪਿੱਛੋ ਪਾਣੀ ਉਸ ਸਮੇ ਲਾਉ ਜਦੋਂ ਪਹਿਲਾ ਪਾਣੀ ਜ਼ੀਰੇ ਨੂੰ 2 ਦਿਨ ਹੋ ਗਏ ਹੋਣ, ਪ੍ਰੰਤੂ ਖਿਆਲ ਰਹੇ ਕਿ ਖੇਤ ਵਿੱਚ ਤਰੇੜਾਂ ਨਾ ਪੈਣ।ਝੋਨੇ ਦੇ ਖੇਤ ਵਿੱਚ ਨਾਈਟਰੋਜਨ ਖਾਦ ਦਾ ਦੂਜਾ ਇੱਕ ਤਿਹਾਈ ਹਿੱਸਾ ਲੁਆਈ ਤੋਂ 21 ਦਿਨਾਂ ਬਾਅਦ, ਤੀਜਾ ਇੱਕ ਤਿਹਾਈ ਹਿੱਸਾ ਲੁਆਈ ਤੋਂ 42 ਦਿਨਾਂ ਬਾਅਦ ਪਾ ਦਿਉ।

ਨਰਮੇ ਦੇ ਖੇਤਾਂ ਵਿੱਚ ਪਾਣੀ ਖੜਾ ਨਾ ਹੋਣ ਦਿਉ।ਨਰਮੇ ਦੀ ਫ਼ਸਲ ਤੇ ਨਾਈਟਰੋਜਨ ਖਾਦ ਦੀ ਬਾਕੀ ਅੱਧੀ ਕਿਸ਼ਤ ਫੁੱਲ ਸ਼ੁਰੂ ਹੋਣ ਤੇ ਪਾ ਦਿਉ।ਨਰਮੇ ਦੀ ਫ਼ਸਲ ਤੇ 2% ਪੋਟਾਸ਼ੀਅਮ ਨਾਈਟ੍ਰੇਟ (13:0:45) ਦੇ 4 ਸਪਰੇਅ ਫੁੱਲ ਸ਼ੁਰੂ ਹੋਣ ਤੋਂ ਹਫ਼ਤੇ-ਹਫ਼ਤੇ ਦੀ ਵਿੱਥ ਤੇ ਕਰੋ ।

ਜੇਕਰ ਜ਼ਿਆਦਾ ਬਾਰਿਸ਼ ਦੇ ਕਾਰਨ ਨਰਮੇ ਦੀ ਫ਼ਸਲ ਤੇ ਪੈਰਾਵਿਲਟ ਦਾ ਹਮਲਾ ਨਜ਼ਰ ਆਵੇ ਤਾਂ 24 ਘੰਟੇ ਅੰਦਰ ਕੋਬਾਲਟ ਕਲੋਰਾਇਡ 1 ਗ੍ਰਾਮ ਪ੍ਰਤੀ 100 ਲਿਟਰ ਪਾਣੀ ਵਿੱਚ ਘੋਲ ਕੇ ਛਿੜਕਾਅ ਕਰੋ।

ਨਰਮੇ ਤੇ ਹਰੇ ਤੇਲੇ ਦੀ ਰੋਕਥਾਮ ਲਈ 80 ਗਾ੍ਰਮ ਉਲਾਲਾ 50 ਤਾਕਤ ਜਾਂ 60 ਗ੍ਰਾਮ ਉਸ਼ੀਨ 20 ਤਾਕਤ ਜਾਂ 40 ਗ੍ਰਾਮ ਐਕਟਾਰਾ/ਐਕਸਟਰਾਸੁਪਰ/ਡੋਟਾਰਾ/ਥੋਮਸਨ 25 ਤਾਕਤ ਜਾਂ 40 ਮਿ.ਲੀ. ਇਮੀਡਾਸੈਲ 17.8 ਤਾਕਤ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਛਿੜਕਾਅ ਸਾਫ ਮੌਸਮ ਵੇਖ ਕੇ ਕਰੋ।

ਬਾਰਿਸ਼ ਦਾ ਪਾਣੀ ਮੱਕੀ ਦੇ ਖੇਤ ਵਿੱਚ ਨਾ ਖੜ੍ਹਾ ਹੋਣ ਦਿਓ ਕਿਉਂਕਿ ਇਹ ਫ਼ਸਲ ਜ਼ਿਆਦਾ ਪਾਣੀ ਨਹੀਂ ਸਹਾਰ ਸਕਦੀ। ਇਸ ਨਾਲ ਤਣਾ ਗਲਣ ਦੇ ਰੋਗ ਵਿੱਚ ਵਾਧਾ ਹੁੰਦਾ ਹੈ।

ਇਹ ਸਮ੍ਹਾਂ ਸਾਉਣੀ ਰੁੱਤ ਦੀ ਮੂੰਗੀ ਦੀਆਂ ਕਿਸਮਾਂ ਐਮ ਐਲ 2056 ਅਤੇ ਐਮ ਐਲ 818 ਦੀ ਬਿਜਾਈ ਲਈ ਢੁਕਵਾਂ ਹੈ।ਬਿਜਾਈ ਲਈ 8 ਕਿਲੋ ਬੀਜ ਪ੍ਰਤੀ ਏਕੜ ਵਰਤੋ ।

ਸਬਜ਼ੀਆਂ ਅਤੇ ਫਲ:

ਸਬਜ਼ਿਆ ਅਤੇ ਫ਼ਲਾਂ ਤੇ ਬਾਗਾਂ ਵਿੱਚ ਬਾਰਿਸ਼ ਦਾ ਪਾਣੀ ਖੜਾ ਨਾ ਹੋਣ ਦਿਉ ।ਇਸ ਸਮੇਂ ਭਿੰਡੀ, ਘੀਆ, ਕੱਦੂ, ਕਾਲੀ ਤੋਰੀ ਅਤੇ ਕਾਉਪੀਜ-263 ਦੀ ਬਿਜਾਈ ਕਰੋ।ਗੋਭੀ, ਬੈਂਗਣ ਅਤੇ ਟਮਾਟਰ ਦੀਆਂ ਕਿਸਮਾਂ ਪੰਜਾਬ ਵਰਖਾ ਵਹਾਰ -4, ਪੰਜਾਬ ਵਰਖਾ ਵਹਾਰ -1 ਅਤੇ ਪੰਜਾਬ ਵਰਖਾ ਵਹਾਰ -2 ਦੀ ਪਨੀਰੀ ਲਾਉਣ ਲਈ ਢੁਕਵਾਂ ਸਮਾਂ ਹੈ।

ਬਰਸਾਤੀ ਟਮਾਟਰਾਂ ਦੀ ਨਰਸਰੀ ਨੂੰ ਚਿੱਟੀ ਮੱਖੀ ਦੇ ਹਮਲੇ ਤੋਂ ਬਚਾਉਣ ਲਈ ਪਾਲੀਨੇਟ ਨਾਲ ਢੱਕ ਦਿਓ।

ਚਲ ਰਿਹਾ ਮੌਸਮ ਮਿਰਚਾਂ ਤੇ ਫਲਾਂ ਦੇ ਗਾਲੇ੍ਹ ਲਈ ਢੁਕਵਾਂ ਹੈ, ਇਸ ਤੋਂ ਬਚਾਅ ਲਈ ਮਿਰਚਾਂ ਦੀ ਫਸਲ ਤੇ ਫੋਲਿਕਰ 250 ਮਿਲੀਲਿਟਰ ਜਾਂ ਇੰਡੋਫਿਲ ਐਮ-45 / ਬਲਾਈਟੋਕਸ 750 ਗ੍ਰਾਮ ਪ੍ਰਤੀ ਏਕੜ ਦੇ ਹਿਸਾਬ ਨਾਲ 10 ਦਿਨਾਂ ਦੇ ਵਕਫੇ ਤੇ 3-4 ਛਿੜਕਾਅ ਮੌਸਮ ਸਾਫ ਹੋਣ ਤੇ ਕਰੋ।

ਇਹ ਸਮਾਂ ਸਦਾਬਹਾਰ ਫ਼ਲਦਾਰ ਬੂਟਿਆਂ ਜਿਵੇਂ ਕਿ ਨਿੰਬੂ ਜਾਤੀ, ਅੰਬ, ਲੀਚੀ, ਅਮਰੂਦ, ਲੁਕਾਠ, ਬੇਰ ਅਤੇ ਪਪੀਤੇ ਦੇ ਬਾਗਾਂ ਦੀ ਲਵਾਈ ਲਈ ਢੁੱਕਵਾਂ ਹੈ।ਅਮਰੂਦ ਦੇ ਬਾਗਾਂ ਵਿਚ ਪੀ. ਏ ਯੂ. ਫਰੂਟ ਫਲਾਈ ਟਰੈਪ (16 ਟਰੈਪ ਪ੍ਰਤੀ ਏਕੜ) ਲਗਾਓ ।

ਪਸ਼ੂ ਪਾਲਣ:

ਇਸ ਮਹੀਨੇ ਮੱਛਰ, ਮੱਖੀਆਂ ਅਤੇ ਚਿੱਚੜਾਂ ਦੀ ਤਦਾਦ ਵਧ ਜਾਂਦੀ ਹੈ ਜੋ ਪਸ਼ੂ ਦਾ ਖੂਨ ਚੂਸਦੇ ਹਨ ਅਤੇ ਬੀਮਾਰੀ ਫੈਲਾਉਂਦੇ ਹਨ।ਇਨ੍ਹਾਂ ਦੀ ਰੋਕਥਾਮ ਜਰੂਰ ਕਰੋ।

ਪਸ਼ੂਆਂ ਨੂੰ ਚਾਰਾ ਠੰਡੇ ਸਮੇਂ ਦੌਰਾਨ ਹੀ ਦਿਓ।