Expert Advisory Details

ਨਿਮੋਨੀਆ ਵਿੱਚ ਫੇਫੜਿਆਂ ਵਿਚ ਸੋਜ ਆ ਜਾਂਦੀ ਹੈ, ਪਾਣੀ ਭਰ ਜਾਂਦਾ ਹੈ ਅਤੇ ਪਸ਼ੂ ਸਾਹ ਔਖੇ ਲੈਂਦਾ ਹੈ। ਇਹ ਛੋਟੇ ਅਤੇ ਵੱਡੇ ਜਾਨਵਰਾਂ ਵਿੱਚ ਹੋ ਜਾਂਦੀ ਹੈ। ਪਸ਼ੂ ਦੇ ਗਰਮ-ਸਰਦ ਹੋ ਜਾਣ ਨਾਲ, ਬੰਦ ਸ਼ੈੱਡਾਂ, ਸਿੱਲੇ ਵਾਤਾਵਰਣ ਵਿੱਚ ਪਸ਼ੂ ਰੱਖਣ ਨਾਲ ਜਾਂ ਮੂੰਹ ਰਾਹੀਂ ਗਲਤ ਤਰੀਕੇ ਦਵਾਈ ਦੇਣ ਨਾਲ ਹੱਥੂ ਆ ਜਾਣ ਨਾਲ ਨਿਮੋਨੀਆ ਹੋ ਸਕਦਾ ਹੈ।

ਨਿਸ਼ਾਨੀਆਂ

• ਪਸ਼ੂ ਸਾਹ ਲੈਣ ਵੇਲੇ ਖਿੱਚ ਕੇ ਸਾਹ ਲੈਂਦਾ ਹੈ ਅਤੇ ਸਾਹ ਲੈਣ ਵੇਲੇ ਅੱਗੇ-ਪਿੱਛੇ ਹਿਲਦਾ ਰਹਿੰਦਾ ਹੈ।
• ਹਲਕਾ ਜਾਂ ਤੇਜ਼ ਬੁਖਾਰ ਹੋ ਜਾਂਦਾ ਹੈ ਅਤੇ ਪਸ਼ੂ ਸੁਸਤ ਰਹਿੰਦਾ ਹੈ।
• ਪੱਠੇ ਖਾਣਾ ਛੱਡ ਦਿੰਦਾ ਹੈ।
• ਗੰਭੀਰ ਹਾਲਤ ਵਿੱਚ ਪਸ਼ੂ ਮੂੰਹ ਖੋਲ ਕੇ ਸਾਹ ਲੈਂਦਾ ਹੈ ਅਤੇ ਨਾਸਾਂ ਵਿੱਚੋਂ ਗਾੜ੍ਹਾ ਪੀਲਾ ਜਾਂ ਹਰਾ ਤਰਲ ਨਿਕਲਦਾ ਹੈ।

ਇਲਾਜ ਅਤੇ ਰੋਕਥਾਮ

• ਰੋਗੀ ਪਸ਼ੂ ਨੂੰ ਬਾਕੀ ਪਸ਼ੂਆਂ ਤੋਂ ਅਲੱਗ ਕਰ ਦਿਓ ਅਤੇ ਛੇਤੀ ਤੋਂ ਛੇਤੀ ਇਲਾਜ ਸ਼ੁਰੂ ਕਰਵਾਓ।
• ਗਰਮੀ ਸਰਦੀ ਤੋਂ ਬਚਾਅ ਕੇ ਰੱਖੋ।
• ਇਲਾਜ ਲਈ 7-10 ਦਿਨ ਤੱਕ ਐਂਟੀਬਾਇਓਟਿਕ ਦਵਾਈਆਂ ਦੀ ਵਰਤੋਂ ਕਰੋ, ਖੁਰਾਕ ਵਿੱਚ ਧਾਤਾਂ ਦੇ ਮਿਸ਼ਰਣ ਦੀ ਵਰਤੋਂ।