Expert Advisory Details

ਕਿਸਾਨਾਂ ਲਈ ਮੌਸਮ ਅਤੇ ਫਸਲਾਂ ਦਾ ਹਾਲ:

ਮੌਸਮ ਦੀ ਭਵਿੱਖਬਾਣੀ

ਆਉਣ ਵਾਲੇ ਦਿਨਾਂ ਦੌਰਾਨ ਪੰਜਾਬ ਵਿੱਚ ਮੌਸਮ ਖੁਸ਼ਕ ਰਹਿਣ ਅਤੇ 9-10 ਨਵੰਬਰ ਨੂੰ ਕੁਝ ਥਾਵਾਂ ਤੇ ਹਲਕੀ ਤੋਂ ਦਰਮਿਆਨੀ ਧੁੰਦ ਪੈਣ ਦਾ ਅਨੁਮਾਨ ਹੈ।

1. ਇਹ ਸਮਾਂ ਕਣਕ ਦੀ ਬਿਜਾਈ ਲਈ ਢੁੱਕਵਾਂ ਹੈ।
2. ਕਣਕ ਦੀਆਂ ਅਗੇਤੀਆਂ ਕਿਸਮਾਂ ਉੱਨਤ ਪੀਬੀਡਬਲਿਊ 343, ਪੀਬੀਡਬਲਿੳ 1 ਜ਼ਿੰਕ, ਪੀਬੀਡਬਲਿਊ 725, ਪੀਬੀਡਬਲਿਊ 677, ਐਚ ਡੀ 3086, ਐਚ ਡੀ 2967, ਡਬਲਿਊ ਐਚ 1105 ਅਤੇ ਪੀਬੀਡਬਲਿਊ 621 ਦੀ ਬਿਜਾਈ ਕਰੋ ਅਤੇ ਕਣਕ ਨੂੰ 10 ਨਵੰਬਰ ਤੱਕ ਹੈਪੀ ਸੀਡਰ ਨਾਲ ਹੀ ਬੀਜੋ ।
3. ਅੱਧ ਨਵੰਬਰ ਤੋਂ ਕਣਕ ਦੀਆਂ ਕਿਸਮਾਂ ਪੀਬੀਡਬਲਿੳ 550 ਅਤੇ ਉੱਨਤ ਪੀਬੀਡਬਲਿਊ 550 ਦੀ ਬਿਜਾਈ ਕਰੋ।
4. ਕਣਕ ਵਿੱਚ ਕਾਂਗਿਆਰੀ ਦੀ ਰੋਕਥਾਮ ਲਈ 40 ਕਿਲੋਗ੍ਰਾਮ ਬੀਜ ਨੂੰ ਬੀਜਣ ਤੋਂ ਪਹਿਲਾਂ 400 ਮਿ ਲੀ ਪਾਣੀ ਵਿੱਚ 13 ਮਿ ਲੀ ਰੈਕਸਲ ਈਜੀ ਜਾਂ ਅੋਰੀਅਸ 6 ਐਫ ਐਸ ਜਾਂ 120 ਗ੍ਰਾਮ ਵੀਟਾਵੈਕਸ ਪਾਵਰ 75 ਡਬਲਯੂ ਐਸ ਜਾਂ 80 ਗ੍ਰਾਮ ਵੀਟਾਵੈਕਸ 75 ਡਬਲਯੂ ਪੀ ਜਾਂ 40 ਗ੍ਰਾਮ ਸੀਡੈਕਸ 2 ਡੀ ਐਸ ਜਾਂ ਐਕਸਜੋਲ 2 ਡੀ ਐਸ ਦੇ ਹਿਸਾਬ ਨਾਲ ਸੋਧ ਲਉ। ਬੀਜ ਸੋਧ ਡਰੱਮ ਨਾਲ ਕਰੋ।
5. ਰਾਇਆ ਦੀਆਂ ਕਿਸਮਾਂ ਗਿਰਿਰਾਜ, ਆਰ ਐਲ ਸੀ 3, ਪੀ ਬੀ ਆਰ 357, ਪੀ ਬੀ ਆਰ 210, ਪੀ ਬੀ ਆਰ 97 ਪੀ ਬੀ ਆਰ 91 ਅਤੇ ਆਰ ਐਲ ਐਮ 619 ਦੀ ਬਿਜਾਈ ਕਰ ਲਵੋ।
6. ਜੌਂ, ਛੋਲੇ ਅਤੇ ਮਸਰ ਦੀ ਬਿਜਾਈ ਸ਼ੁਰੂ ਕਰ ਲਵੋ। ਛੋਲਿਆਂ ਦੀ ਬਿਜਾਈ ਲਈ ਸਿਉਂਕ ਦੇ ਹਮਲੇ ਵਾਲੀਆਂ ਜਮੀਨਾਂ ਵਿੱਚ ਬੀਜ ਨੂੰ 10 ਮਿਲੀਲਿਟਰ ਡਰਸਬਾਨ 20 ਈ ਸੀ ਪ੍ਰਤੀ ਕਿਲੋ ਬੀਜ ਵਿੱਚ ਮਿਲਾ ਕੇ ਸੋਧ ਲਵੋ।
7. ਇਹ ਸਮ੍ਹਾਂ ਚਾਰੇ ਲਈ ਜਵੀਂ ਦੀ ਬਿਜਾਈ ਲਈ ਢੁੱਕਵਾਂ ਹੈ।