ਅੱਪਡੇਟ ਵੇਰਵਾ

ਹੁਣ ਨਿੰਮ ਨਾਲ ਕੀੜੇਮਾਰ ਦਵਾਈਆਂ ਖੁਦ ਬਣਾਓ ਅਤੇ ਆਪਣੀ ਫ਼ਸਲ ਬਚਾਓ

ਨਿੰਮ ਦੀ ਜਿਸ ਨਿਮੋਲੀ ਨਾਲ ਕੰਪਨੀਆਂ ਕੀੜੇਮਾਰ ਬਣਾ ਕੇ ਕਿਸਾਨਾਂ ਨੂੰ ਵੇਚਦੀਆਂ ਹਨ, ਉਸ ਨਿਮੋਲੀ ਨਾਲ ਕਿਸਾਨ ਹੁਣ ਖੁਦ ਕੀੜੇਮਾਰ ਦਵਾਈਆਂ ਤਿਆਰ ਕਰ ਸਕਦੇ ਹਨ| 

ਨਿਮੋਲੀ ਵਿਚ ਅਜਾਡਿਰੈਕਟਿਨ ਨਾਮ ਦਾ ਤੱਤ ਹੁੰਦਾ ਹੈ, ਜੋ ਕੀੜੇਮਾਰ ਦਵਾਈਆਂ ਦਾ ਅਧਾਰ ਹੈ| ਅਜਾਡਿਰੈਕਟਿਨ ਦੀ ਮਾਤਰਾ ਨਿਮੋਲੀ ਵਿਚ ਘੱਟ ਨਾ ਜਾਏ ਇਸ ਲਈ ਨਿਮੋਲੀਆਂ ਨੂੰ ਪੀਲੇ ਹੋਣ ਦੀ ਸਥਿਤੀ ਵਿਚ ਤੋੜ ਲੈਣਾ ਚਾਹੀਦਾ ਹੈ|

1. ਨਿਮੋਲੀਆਂ ਨੂੰ ਬਰੀਕ ਪੀਸ ਕੇ ਪਾਊਡਰ ਬਣਾ ਲਓ |

2. ਇਸ ਵਿਚ ਬਰਾਬਰ ਜਾਂ ਦੁੱਗਣੀ ਮਾਤਰਾ ਵਿਚ ਕੋਈ ਅਕਰਮਕ ਪਦਾਰਥ ਜਿਵੇਂ ਕਿ ਲੱਕੜੀ ਦਾ ਬੁਰਾਦਾ, ਚੌਲਾਂ ਦੀ ਫ਼ੱਕ ਜਾਂ ਰੇਤਲੀ ਮਿੱਟੀ ਆਦਿ ਮਿਲਾ ਲਓ|

3. ਇਸ ਪਾਊਡਰ ਨੂੰ ਸਵੇਰ ਵੇਲੇ ਪੌਦਿਆਂ 'ਤੇ ਇਸ ਤਰੀਕੇ ਨਾਲ ਛਿੜਕੋ ਕਿ ਪੱਤਿਆਂ ਅਤੇ ਤਣੇ ਤੇ ਚਿਪਕ ਜਾਏ| ਫ਼ਸਲ 'ਤੇ ਲੱਗੇ ਕੀੜੇ ਇਸ ਨੂੰ ਖਾਕੇ ਮਾਰ ਜਾਣਗੇ|