ਮਾਹਰ ਸਲਾਹਕਾਰ ਵੇਰਵਾ

Some helpful tips to protect animals from the heat stress in summer

ਪਸ਼ੂ-ਪਾਲਕਾਂ ਨੂੰ ਗਰਮੀ ਦੇ ਮੌਸਮ ਦੌਰਾਨ ਆਪਣੇ ਪਸ਼ੂਆਂ ਦੀ ਦੇਖਭਾਲ ਵੱਲ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ। ਦੁਧਾਰੂ ਪਸ਼ੂਆਂ ਵਿੱਚ ਗਰਮੀ-ਤਣਾਅ ਦੇ ਪ੍ਰਭਾਵ ਨੂੰ ਘੱਟ ਕਰਨ ਨਿਮਨਲਿਖਤ ਤਰੀਕੇ ਕਾਫ਼ੀ ਮਦਦਗਾਰ ਸਾਬਤ ਹੋ ਸਕਦੇ ਹਨ-

ਇਨ੍ਹਾਂ ਕਾਰਨਾਂ 'ਤੇ ਕਾਬੂ ਪਾਉਣ ਲਈ ਹੇਠ ਲਿਖੇ ਨੁਕਤਿਆਂ ਵੱਲ ਤਵੱਜੋਂ ਦੇਣੀ ਜ਼ਰੂਰੀ ਹੈ:-

• ਗਰਮੀਆਂ ਦੇ ਵੰਡ ਵਿੱਚ 5-7 ਪ੍ਰਤੀਸ਼ਤ ਖਲਾਂ ਵੀ ਵਧਾ ਦਿਉ।
• ਪਸ਼ੂ ਨੂੰ ਸੰਤੁਲਤ ਖੁਰਾਕ ਦੇਵੋ। ਖੁਰਾਕ ਵਿੱਚ ਤਾਜ਼ਾ, ਕੂਲਾ ਹਰਾ ਚਾਰਾ, ਦੁੱਧ ਦੀ ਪੈਦਾਵਾਰ ਮੁਤਾਬਿਕ ਵੰਡ (ਦਾਣਾ) ਤੇ ਧਾਤਾਂ ਦਾ ਚੂਰਾ ਹੋਣਾ ਚਾਹੀਦਾ ਹੈ।
• 40-50 ਕਿਲੋ ਹਰੇ ਚਾਰੇ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ। ਪ੍ਰੰਤੂ ਦੋਗਲੀਆਂ ਗਾਵਾਂ ਇਸ ਤੋਂ ਵੱਧ ਖਾ ਜਾਂਦੀਆਂ ਹਨ।
• ਮੱਝਾਂ ਵਿੱਚ 5 ਕਿਲੋ ਤੇ ਗਾਈਆਂ ਵਿੱਚ 7 ਕਿਲੋ ਤੱਕ ਦੁੱਧ ਬਗੈਰ ਵੰਡ ਦਾਣੇ ਤੋਂ ਇਕੱਲੇ ਵਧੀਆ ਹਰੇ ਚਾਰੇ ਨਾਲ ਲਿਆ ਜਾ ਸਕਦਾ ਹੈ। ਇਸ ਤੋਂ ਉਪਰ ਦੁੱਧ ਲਈ ਮੱਝਾਂ ਨੂੰ 2 ਕਿਲੋ ਦੁੱਧ ਪਿੱਛੇ ਅਤੇ ਗਾਈਆਂ ਨੂੰ 2.5 ਕਿਲੋ ਦੁੱਧ ਪਿੱਛੇ ਇੱਕ ਕਿਲੋ ਵੰਡ ਦੇਣਾ ਚਾਹੀਦਾ ਹੈ।
• ਇੱਕ ਕੁਇੰਟਲ ਦਾਣੇ ਵਿੱਚ 2-3 ਕਿਲੋ ਧਾਤਾਂ ਦਾ ਚੂਰਾ ਪੈਣਾ ਠੀਕ ਰਹੇਗਾ।
• ਖੁਰਾਕ ਜਾਨਵਰ ਨੂੰ ਸਵੇਰ ਤੇ ਸ਼ਾਮ ਨੂੰ ਜਦੋਂ ਮੌਸਮ ਠੰਡਾ ਹੋਵੇ ਪਾਉ, ਇਕੱਠੀ ਖੁਰਾਕ ਪਾਉਣ ਨਾਲੋਂ ਥੋੜ੍ਹੇ-ਥੋੜ੍ਹੇ ਸਮੇਂ ਬਾਅਦ ਥੋੜ੍ਹੀ-ਥੋੜ੍ਹੀ ਕਰਕੇ ਖੁਰਾਕ ਪਾਉਣੀ ਲਾਭਦਾਇਕ ਸਿੱਧ ਹੁੰਦੀ ਹੈ।
• ਵੰਡ ਦਾਣੇ ਨੂੰ ਸਵਾਦਲੀ ਬਣਾਉਣ ਲਈ ਵੰਡ (ਦਾਣੇ) ਵਿੱਚ ਸੀਰੇ ਦੀ ਵਰਤੋਂ ਕਰੋ।
• ਵੰਡ (ਦਾਣਾ) ਪਾਣੀ ਵਿੱਚ ਭਿਉਂ ਕੇ ਹੀ ਜਾਨਵਰ ਨੂੰ ਖੁਆਉ।
• ਜਾਨਵਰਾਂ ਨੂੰ ਫਲੀਦਾਰ ਤੇ ਗੈਰ-ਫਲੀਦਾਰ ਚਾਰਿਆਂ ਨੂੰ ਰਲਾ ਕੇ ਖੁਆਓ ਅਤੇ ਚਾਰੇ ਨੂੰ ਜ਼ਿਆਦਾ ਪਕਰੋੜ ਨਾ ਹੋਣ ਦੋਵੇ।
• ਜਾਨਵਰਾਂ ਲਈ ਤਾਜ਼ਾ ਪਾਣੀ 24 ਘੰਟੇ ਉਪਲੱਬਧ ਕਰੋ।