ਮਾਹਰ ਸਲਾਹਕਾਰ ਵੇਰਵਾ

Methods of use of microbial fertilizers for crops in February and March

ਜੀਵਾਣੂੰ ਖਾਦ ਵਰਤਣ ਦਾ ਢੰਗ ਹੇਠ ਲਿਖੇ ਅਨੁਸਾਰ ਹਨ:

ਬੀਜ ਨੂੰ ਲਗਾਉਣਾ- ਜੀਵਾਣੂੰ ਖਾਦ ਨੂੰ ਅੱਧਾ ਲੀਟਰ ਪਾਣੀ ਵਿੱਚ ਘੋਲ ਲਉ। ਜੀਵਾਣੂੰ ਖਾਦ ਦੇ ਘੋਲ ਅਤੇ ਬੀਜਾਂ ਨੂੰ ਸਾਫ ਫਰਸ਼ ਉਤੇ ਜਾਂ ਤਰਪਾਲ ਉਤੇ ਚੰਗੀ ਤਰ੍ਹਾਂ ਮਿਲਾ ਲਉ। ਬੀਜ ਨੂੰ ਛਾਵੇਂ ਸੁਕਾ ਕੇ ਖੇਤ ਵਿੱਚ ਜਲਦੀ ਬੀਜ ਦਿਉ।

ਮਿੱਟੀ ਵਿੱਚ ਮਿਲਾਉਣਾ- ਜੀਵਾਣੂੰ ਖਾਦ ਨੂੰ ਉਸ ਮਿੱਟੀ ਵਿੱਚ ਮਿਲਾ ਦਿਉ ਜਿਸ ਮਿੱਟੀ ਵਿੱਚ ਬੀਜ ਨੂੰ ਬੀਜਣਾ ਹੈ ਜਾਂ ਬੀਜਣ ਤੋਂ ਪਹਿਲਾਂ ਜੀਵਾਣੂੰ ਖਾਦ ਨੂੰ ਸਿਆੜ ਵਿੱਚ ਮਿਲਾ ਦਿਉ।

ਜੀਵਾਣੂੰ ਖਾਦ ਵਰਤਣ ਦੇ ਲਾਭ-

• ਘੱਟ ਖਰਚੇ ਨਾਲ ਪੌਦੇ ਨੂੰ ਪੋਸ਼ਣ ਦਿੰਦੀ ਹੈ।
• ਵਿਕਾਸ ਦਰ ਵਧਾਉਣ ਵਾਲੇ ਪਦਾਰਥ ਉਪਲੱਭਧ ਕਰਵਾਉਂਦੀ ਹੈ ।
• ਹਵਾ ਵਿਚਲੀ ਨਾਈਟ੍ਰੋਜਨ ਨੂੰ ਪੌਦਿਆਂ ਲਈ ਉਪਲੱਭਧ ਕਰਵਾਉਂਦੀ ਹੈ ।
• ਅਣਘੁੱਲੀ ਫਾਸਫੋਰਸ ਨੂੰ ਘੁਲਣ ਵਿੱਚ ਮੱਦਦ ਕਰਵਾਉਂਦੀ ਹੈ ।
• ਫਸਲ ਦੇ ਝਾੜ ਵਿੱਚ ਵਾਧਾ ਕਰਵਾਉਂਦੀ ਹੈ (3%-7%) ।
• ਕਾਸ਼ਤ ਦੀ ਲਾਗਤ ਘਟਵਾਉਂਦੀ ਹੈ ਅਤੇ ਮਿੱਟੀ ਦੀ ਸਿਹਤ ਵਿੱਚ ਸੁਧਾਰ ਕਰਦੀ ਹੈ।
• ਖਰਚਾ ਘਟਾਉਂਦੀ ਹੈ ਕਿਉਂਕਿ ਘੱਟ ਮਾਤਰਾ ਵਿੱਚ ਵਰਤੀ ਜਾਂਦੀ ਹੈ।

ਜੀਵਾਣੂੰ ਖਾਦ ਵਰਤਣ ਸਮੇਂ ਸਾਵਧਾਨੀਆਂ

• ਖਾਦ ਫਸਾਲ ਲਈ ਸਿਫਾਰਸ਼ ਕੀਤੀ ਜੀਵਾਣੂੰ ਖਾਦ ਦੀ ਵਰਤੋਂ।
• ਜੀਵਾਣੂੰ ਖਾਦ ਦਾ ਲਿਫਾਫਾ ਧੁੱਪ ਅਤੇ ਗਰਮੀ ਤੋਂ ਦੂਰ ਠੰਢੀ ਥਾਂ ਤੇ ਹੀ ਰੱਖੋ ਅਤੇ ਲਗਾਉਣਾ ਵੇਲੇ ਹੀ ਖੋਲੋ ।
• ਜੀਵਾਣੂੰ ਖਾਦ ਨੂੰ ਮਿਆਦ ਪੁਗਣ ਤੋਂ ਪਹਿਲਾਂ ਹੀ ਵਰਤੋਂ।
• ਜੀਵਾਣੂੰ ਖਾਦ ਵਰਤਨ ਤੋਂ ਬਾਅਦ ਬੀਜਾਂ ਨੂੰ ਧੁੱਪ ਵਿੱਚ ਨਾ ਰੱਖੋ ।
• ਜੀਵਾਣੂੰ ਖਾਦ ਲਗਾਉਣ ਤੋਂ ਬਾਅਦ ਬੀਜਾਂ ਦੀ ਬਿਜਾਈ ਜਲਦੀ ਕਰ ਦੇਣੀ ਚਾਹੀਦੀਹੈ।
• ਜੀਵਾਣੂੰ ਖਾਦ ਨੂੰ ਰਸਾਇਣਿਕ ਖਾਦ ਨਾਲ ਮਿਲਾ ਕੇ ਨਾ ਵਰਤੋ।

ਵਧੇਰੇ ਜਾਣਕਾਰੀ ਲਈ ਸੰਪਰਕ ਕਰੋ :

ਮੁਖੀ,ਮਾਇਕਰੋਬਿਆਲੋਜੀ ਵਿਭਾਗ, ਪੀ.ਏ.ਯੂ., ਲੁਧਿਆਣਾ