ਮਾਹਰ ਸਲਾਹਕਾਰ ਵੇਰਵਾ
Management of fish ponds in rainy season
ਬਰਸਾਤ ਦੇ ਮੌਸਮ ਵਿੱਚ ਮੱਛੀ ਪਾਲਕਾਂ ਨੂੰ ਮੱਛੀ ਦੇ ਤਲਾਬਾਂ ਦਾ ਵਿਸ਼ੇਸ਼ ਖਿਆਲ ਰੱਖਣਾ ਚਾਹੀਦਾ ਹੈ ਕਿਉਂਕਿ ਪਾਣੀ ਦੀ ਕੁਆਲਿਟੀ ਵਿੱਚ ਕੰਢਿਆਂ ਦੀ ਮਿੱਟੀ ਖੁਰਣ ਨਾਲ ਆਈ ਤਬਦੀਲੀ ਜਾਂ ਮੀਂਹ ਦੇ ਪਾਣੀ ਦਾ ਸਹੀ ਨਿਕਾਸੀ ਨਾ ਹੋਣ ਕਾਰਣ ਮੱਛੀ ਨੂੰ ਨੁਕਸਾਨ ਹੋ ਸਕਦਾ ਹੈ। ਇਹ ਵਿਚਾਰ ਗੁਰੂ ਅੰਗਦ ਦੇਵ ਵੈਟਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ ਦੇ ਫ਼ਿਸ਼ਰੀਜ਼ ਕਾਲਜ ਦੇ ਡੀਨ, ਡਾ. ਮੀਰਾ ਡੀ ਆਂਸਲ ਨੇ ਬਰਸਾਤੀ ਮੌਸਮ ਵਿੱਚ ਮੱਛੀ ਦੀ ਸਾਂਭ ਸੰਭਾਲ ਬਾਰੇ ਗੱਲ ਕਰਦਿਆਂ ਸਾਂਝੇ ਕੀਤੇ।
ਬਰਸਾਤ ਹੋਣ ਤੋਂ ਬਾਅਦ ਪਾਣੀ ਦੇ ਤੇਜ਼ਾਬੀ ਅਤੇ ਖਾਰੇਪਣ ਨੂੰ ਜ਼ਰੂਰ ਜਾਂਚ ਲੈਣਾ ਚਾਹੀਦਾ ਹੈ ਅਤੇ ਉਸ ਦੇ ਸੰਤੁਲਨ ਨੂੰ ਬਣਾਈ ਰੱਖਣਾ ਚਾਹੀਦਾ ਹੈ। ਅਜਿਹੇ ਮੌਕੇ 'ਤੇ ਪਾਣੀ ਦੀ ਉਪਰਲੀ ਤਹਿ ਵਿੱਚ ਕਈ ਤਬਦੀਲੀਆਂ ਆਉਂਦੀਆਂ ਹਨ ਇਸ ਲਈ ਪਾਣੀ ਨੂੰ ਹਿਲਦਾ ਜੁਲਦਾ ਰੱਖਣਾ ਚਾਹੀਦਾ ਹੈ। ਅਜਿਹੇ ਮੋਂਟਮੈਲੇ ਪਾਣੀ ਨੂੰ ਖੇਤਾਂ ਵਿੱਚ ਵਰਤ ਲੈਣਾ ਚਾਹੀਦਾ ਹੈ ਅਤੇ ਤਾਜ਼ਾ ਪਾਣੀ ਤਲਾਬ ਵਿੱਚ ਪਾਉਣਾ ਚਾਹੀਦਾ ਹੈ। ਜੋ ਜ਼ਿਆਦਾ ਬੱਦਲਵਾਈ ਵਾਲਾ ਮੌਸਮ ਰਹੇ ਤਾਂ ਫੀਡ ਦੀ ਮਾਤਰਾ ਘੱਟ ਕਰ ਦੇਣੀ ਚਾਹੀਦੀ ਹੈ ਜਾਂ ਬੰਦ ਕਰ ਦੇਣੀ ਚਾਹੀਦੀ ਹੈ ਅਤੇ ਮੁੜ ਮੌਸਮ ਖੁਲ੍ਹਣ 'ਤੇ ਹੀ ਫੀਡ ਪਾਉਣੀ ਚਾਹੀਦੀ ਹੈ।
ਜੇ ਪਾਣੀ ਵਿੱਚ ਕੋਈ ਬੂਟੀਆਂ ਆਦਿ ਵੱਧ ਜਾਣ ਜਾਂ ਉਨ੍ਹਾਂ ਦਾ ਵਿਕਾਸ ਹੋ ਜਾਏ ਤਾਂ ਉਦੋਂ ਵੀ ਮੱਛੀਆਂ ਨੂੰ ਖੁਰਾਕ ਪਾਉਣੀ ਰੋਕ ਦੇਣੀ ਚਾਹੀਦੀ ਹੈ। ਜੇ ਕਿਸੇ ਤਲਾਬ ਵਿੱਚ ਜ਼ਿਆਦਾ ਮੱਛੀਆਂ ਦਿਖ ਰਹੀਆਂ ਹੋਣ ਤਾਂ ਉਥੋਂ ਦੀ ਮੱਛੀ ਦੂਸਰੇ ਤਲਾਬ ਵਿੱਚ ਤਬਦੀਲ ਕਰ ਦੇਣੀ ਚਾਹੀਦੀ ਹੈ।
ਮਾਹਿਰ ਸੰਸਥਾ
