ਮਾਹਰ ਸਲਾਹਕਾਰ ਵੇਰਵਾ

Experts' advice for Agro Forestry

ਜ਼ਿਆਦਾਤਰ ਦਰੱਖ਼ਤ ਜਿਵੇਂ ਕਿ ਸਫ਼ੈਦਾ, ਕਿੱਕਰ, ਸੂਬਾਬੁਲ, ਟਾਹਲੀ, ਡੇਕ, ਨਿੰਮ, ਸਾਗਵਾਨ ਆਦਿ ਦੇ ਬੂਟੇ ਜੁਲਾਈ ਅਗਸਤ (ਬਰਸਾਤੀ ਮੌਸਮ) ਵਿਚ ਲਗਾਉਣੇ ਚਾਹੀਦੇ ਹਨ। ਬੂਟੇ ਦੇ ਲਗਾਉਣ ਲਈ ਟੋਏ ਦਾ ਅਕਾਰ 50×50×50 ਸੈਂਟੀਮੀਟਰ ਜਿਸ ਵਿੱਚ 50 ਪ੍ਰਤੀਸ਼ਤ ਟੋਏ ਦੀ ਉੱਪਰਲੀ ਮਿੱਟੀ ਅਤੇ 50 ਪ੍ਰਤੀਸ਼ਤ ਗੋਹੇ ਦੀ ਖਾਦ ਅਤੇ 10 ਪ਼੍ਰਤੀਸ਼ਤ ਲੰਡੇਿਨ (ਧੂੜਾ) 10-15 ਗ੍ਰਾਮ ਪ਼੍ਰਤੀ ਟੋਆ ਮਿਲਾ ਕੇ ਭਰ ਲੈਣੀ ਚਾਹੀਦੀ ਹੈ। ਬੂਟੇ ਦਾ ਲਿਫ਼ਾਫਾ ਉਤਾਰ ਕੇ ਟੋਏ ਦੇ ਵਿਚਕਾਰ ਲਗਾਉ। ਇਹ ਧਿਆਨ ਰੱਖਿਆ ਜਾਵੇ ਕਿ ਲਿਫ਼ਾਫਾ ਉਤਾਰਨ ਵਕਤ ਜੜ੍ਹਾਂ ਅਤੇ ਮਿੱਟੀ ਦੀ ਚਾਕਲੀ ਨੂੰ ਨੁਕਸਾਨ ਨਾ ਹੋਵੇ। ਬੂਟਾ ਲਗਾ ਕੇ ਉਸੇ ਵੇਲੇ ਪਾਣੀ ਲਗਾ ਦਿਓ।

ਸਫੈ਼ਦਾ : ਸਫੈ਼ਦਾ ਆਮ ਕਰਕੇ ਖੇਤਾਂ ਦੇ ਦੁਆਲੇ ਲਗਾਇਆ ਜਾਂਦਾ ਹੈ। ਖੇਤੀ ਫ਼ਸਲਾਂ ਦਾ ਦਰੱਖਤਾਂ ਨਾਲ ਧੁੱਪ ਲਈ ਮੁਕਾਬਲਾ ਘਟਾਉਣ ਲਈ ਦਰੱਖ਼ਤਾਂ ਦੀਆਂ ਕਤਾਰਾਂ ਉਤੱਰ-ਦੱਖਣ ਦਿਸ਼ਾ ਵਿੱਚ ਲਗਾਉ। ਸਫ਼ੈਦੇ ਦੀਆਂ ਬੰਨਿਆਂ ਉਤੇ ਲਾਈਆਂ ਕਤਾਰਾਂ ਦੇ ਨਾਲ- ਨਾਲ 10-15 ਮੀਟਰ ਚੌੜੇ ਕਿਆਰੇ ਵਿੱਚਲੀ ਫ਼ਸਲ ਨੂੰ ਵੱਖਰੇ ਫ਼ਸਲ ਪ਼੍ਰਬੰਧ ਨਾਲ ਉਗਾਉਣਾ ਚਾਹੀਦਾ ਹੈ। ਦਾਣਿਆਂ ਵਾਲੀਆਂ ਫ਼ਸਲਾਂ ਦੀ ਬਜਾਏ ਚਾਰੇ ਦੀਆਂ ਫ਼ਸਲਾਂ ਜਿਵੇਂ ਕਿ ਬਾਜਰਾ, ਜੁਆਰ ਦੀ ਬਿਜਾਈ 10-15 ਮੀਟਰ ਚੋੜੇ ਦਰੱਖ਼ਤਾਂ ਨਾਲ ਲੱਗਦੇ ਕਿਆਰੇ ਵਿੱਚ ਕਰਨੀ ਚਾਹੀਦੀ ਹੈ।