ਮਾਹਰ ਸਲਾਹਕਾਰ ਵੇਰਵਾ

All the farmers are advised to keep regular checks at plants in the orchards

ਬਾਗਬਾਨੀ- ਜ਼ਿਆਦਾ ਬਰਸਾਤ ਹੋਣ ਦੀ ਸੂਰਤ ਵਿੱਚ ਬੂਟਿਆਂ ਦੁਆਲੇ ਪਾਣੀ ਜਮ੍ਹਾਂ ਨਾ ਹੋਣ ਦਿਉ, ਬੂਟਿਆਂ ਦੇ ਦੌਰ ਉੱਚੇ ਰੱਖੋ ਅਤੇ ਜੇਕਰ ਹੋ ਸਕੇ ਤਾਂ ਵਾਧੂ ਪਾਣੀ ਦਾ ਬਾਗਾਂ ਵਿੱਚੋਂ ਨਿਕਾਸ ਕਰ ਦਿਉ। ਬੂਟਿਆਂ ਦੇ ਤਣਿਆਂ ਨੂੰ ਬਰਸਾਤੀ ਮੌਸਮ ਵਿੱਚ ਬਿਮਾਰੀਆਂ ਤੋਂ ਬਚਾਉਣ ਲਈ ਨੀਲਾ ਥੋਥਾ ਯੁਕਤ ਸਫ਼ੈਦੀ ਦੇ ਮਿਸ਼ਰਣ ਦਾ ਲੇਪ ਕਰੋ।

• ਬਰਸਾਤੀ ਮੌਸਮ ਵਿੱਚ ਛੋਟੇ ਬੂਟਿਆਂ ਨੂੰ ਸਿੱਧਾ ਰੱਖਣ ਲਈ ਸੋਟੀ ਆਦਿ ਦਾ ਸਹਾਰਾ ਦਿਉ ਅਤੇ ਜੜ੍ਹ-ਮੁੱਢ ਤੋਂ ਨਿਕਲਦਾ ਫ਼ੁਟਾਰਾ ਲਗਾਤਾਰ ਤੋੜਦੇ ਰਹੋ।
• ਛੋਟੇ ਬਾਗਾਂ ਵਿੱਚ ਖਾਲੀ ਜ਼ਮੀਨ ਤੇ ਅੰਤਰ ਫਸਲਾਂ ਜਿਵੇਂ ਕਿ ਮੂੰਗੀ, ਮਾਂਹ, ਤਿੱਲ, ਗੁਆਰੀ ਆਦਿ ਕਾਸ਼ਤ ਕੀਤੀ ਜਾ ਸਕਦੀ ਹੈ ਪਰ ਫ਼ਲਦਾਰ ਬੂਟਿਆਂ ਅਤੇ ਅੰਤਰ ਫ਼ਸਲਾਂ ਵਿੱਚ ਉਚਿੱਤ ਦੂਰੀ ਅਤੇ ਦੋਵਾਂ ਦਾ ਸਿੰਚਾਈ ਪ੍ਰਬੰਧ ਵੱਖਰਾ ਹੋਣਾ ਚਾਹੀਦਾ ਹੈ।
• ਇਹ ਨਵੇਂ ਸਦਾਬਹਾਰ ਕਿਸਮਾਂ ਦੇ ਫ਼ਲਦਾਰ ਬੂਟਿਆਂ ਦੀ ਲਵਾਈ ਦਾ ਢੁਕਵਾਂ ਸਮਾਂ ਅਤੇ ਇਹਨਾਂ ਨੂੰ ਲਗਾਉਣ ਦਾ ਕੰਮ ਸੁਚੱਜੇ ਤਰੀਕੇ ਨਾਲ ਕਰੋ।