ਅੱਪਡੇਟ ਵੇਰਵਾ

ਪਸ਼ੂਆਂ ਤੋਂ ਵਧੇਰੇ ਦੁੱਧ ਲੈਣ ਲਈ ਨੁਕਤੇ

ਪਸ਼ੂ ਦਾ ਦੁੱਧ ਵੱਧ ਦੇਣਾ ਸਿੱਧੇ ਤੌਰ ਤੇ ਉਸਦੀ ਖੁਰਾਕ ਤੇ ਸਾਂਭ ਸੰਭਾਲ ਤੇ ਨਿਰਭਰ ਕਰਦਾ ਹੈ । ਇਸ ਲਈ ਸਾਂਭ ਸੰਭਾਲ ਸਬੰਧੀ ਕੁੱਝ ਇਹ ਸੁਝਾਅ ਜਰੂ੍ਰ ਅਪਣਾਉ।

1. ਦੁੱਧ ਦੇ ਰਹੀਆਂ ਗੱਭਣ ਲਵੇਰੀਆਂ ਨੂੰ ਸੂਣ ਤੋਂ ਲੱਗਭੱਗ 2 ਮਹੀਨੇ ਪਹਿਲਾਂ ਦੁੱਧੋਂ ਜਰੂਰ ਭਜਾਓ। ਇਸ ਸਮੇਂ ਦੌਰਾਨ ਲੋੜ ਮੁਤਾਬਕ 2-4 ਕਿਲੋ ਦਾਣਾ/ਵੰਡ/ਪੇੜਾ ਪਾਓ। ਇਸ ਵੰਡ ਵਿੱਚ 3 ਫੀਸਦ ਵਧੀਆ ਕੁਆਲਿਟੀ ਦਾ ਧਾਤਾਂ ਦਾ ਮਿਸ਼ਰਣ ਜਰੂਰ ਰਲਿਆ ਹੋਵੇ।

2.ਸੂਣ ਤੋਂ 15 ਦਿਨ ਪਹਿਲਾਂ ਪੌਣਾ ਕਿਲੋ ਕਣਕ ਦਾ ਦਲੀਆਂ ਜਾਂ ਮੱਕੀ ਦੀਆਂ ਬੱਕਲੀਆਂ ਖੁਆਓ।ਇਸ ਸਮੇਂ ਦੌਰਾਨ 5-5 ਗ੍ਰਾਮ ਦੀਆਂ ਵਿਟਾਮਿਨ ਡੀ ਦੀਆਂ ਦੋ ਪੁੜੀਆਂ ਇੱਕ ਹਫਤੇ ਤੇ ਫਰਕ ਨਾਲ ਖੁਆਓ ।

3.ਸੂਣ ਤੋਂ ਇੱਕ ਮਹੀਨਾ ਪਹਿਲਾਂ ਹਰ ਲਵੇਰੀ ਨੂੰ ਇੱਕ ਵਾਰੀ ਆਰਗੈਨਿਕ ਜਿੰਕ , ਤਾਂਬਾ, ਅਤੇ ਮੈਂਗਾਨੀਜ਼ ਦਿਓ।

4.ਸੂਣ ਤੋਂ ਤੁਰੰਤ ਬਾਅਦ ਲਵੇਰੀਆਂ ਨੂੰ ਦਲੀਏ ਦੀ ਮਾਤਰਾ ਵਧਾ ਦਿੳ।ਦੁੱਧ ਦੀ ਪੈਦਾਵਾਰ ਚੋਟੀ ਤੇ ਪਹੁੰਚਣ ਤੱਕ ਵੰਡ ਹੋਲੀ ਹੋਲੀ ਵਧਾਉਦੇ ਜਾਓ।ਸੂਣ ਤੋ ਬਾਅਦ ਅੱਧਾ ਲੀਟਰ ਇਲੈਕਟ੍ਰੋਲਾਈਟ ਦਾ ਘੋਲ ਪਿਆਉਣ ਨਾਲ ਲਵੇਰੀ ਦੀ ਦੁੱਧ ਦੀ ਪੈਦਾਵਾਰ ਜਲਦੀ ਚੋਟੀ ਤੇ ਪਹੁੰਚ ਜਾਂਦੀ ਹੈ।

5. ਗਰਮੀਆਂ ਵਿੱਚ ਲਵੇਰੀਆਂ ਨੂੰ ਸਿੱਧੀ ਧੁੱਪ ਤੋ ਬਚਾਓ।