ਅੱਪਡੇਟ ਵੇਰਵਾ

ਗਲੈਡੀਓਲਸ ਫੁੱਲ ਦੀ ਨਵੀਂ ਕਿਸਮ

ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ, ਲੁਧਿਆਣਾ ਵਲੋਂ ਇਸ ਸਾਲ ਗਲੈਡੀਓਲਸ ਦੀ ਨਵੀਂ ਕਿਸਮ 'ਪੰਜਾਬ ਗਲੈਡ-3' ਦੀ ਸਿਫ਼ਾਰਿਸ਼ ਕੀਤੀ ਜਾ ਰਹੀ ਹੈ, ਜਿਸਦੀ ਜਾਣਕਾਰੀ ਹੇਠ ਲਿਖੇ ਅਨੁਸਾਰ ਹੈ:

• ਇਸ ਕਿਸਮ ਦੇ ਫੁੱਲਾਂ ਦੀਆਂ ਡੰਡੀਆਂ ਕੱਟਕੇ ਸਜਾਵਟੀ ਪੱਖ ਤੋਂ ਵਰਤਣ ਲਈ ਢੁੱਕਵੀਆਂ ਹਨ।
• ਇਹ ਕਿਸਮ 105 ਦਿਨਾਂ ਵਿੱਚ ਪੱਕ ਕੇ ਤਿਆਰ ਹੋ ਜਾਂਦੀ ਹੈ।
• ਇਸਦੇ ਫੁੱਲਾਂ ਦਾ ਰੰਗ ਗੂੜ੍ਹਾ-ਪੀਲਾ, ਡੰਡੀਆਂ ਭਰਵੀਆਂ ਅਤੇ ਲੰਬੀਆਂ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਕੱਟਣ ਤੋਂ ਬਾਅਦ 17 ਦਿਨਾਂ ਤੱਕ ਸਜਾਵਟ ਲਈ ਵਰਤਿਆ ਜਾ ਸਕਦਾ ਹੈ।
• ਹਰ ਪੌਦਾ ਲਗਭਗ 1 ਗੰਢਾ ਅਤੇ 22 ਛੋਟੀਆਂ ਗੰਢੀਆਂ ਪੈਦਾ ਕਰਦਾ ਹੈ।
• ਇਹ ਕਿਸਮ ਔਸਤਨ 66000 ਫੁੱਲ ਡੰਡੀਆਂ ਅਤੇ 70500 ਪ੍ਰਤੀ ਏਕੜ ਗੰਢੇ ਪੈਦਾ ਕਰਦੀ ਹੈ।