ਅੱਪਡੇਟ ਵੇਰਵਾ
ਗਰਭ ਕਾਲ ਵਿਚ ਕਿਵੇਂ ਕਰੀਏ ਪਸ਼ੂਆਂ ਦੀ ਦੇਖਭਾਲ: ਭਾਗ- 2
ਪਿਛਲੇ ਭਾਗ ਵਿੱਚ ਦੱਸਿਆ ਗਿਆ ਕਿ ਸੂਣ ਤੋਂ ਪਹਿਲਾਂ ਪਸ਼ੂਆਂ ਦੀ ਦੇਖਭਾਲ ਕਿਵੇਂ ਕੀਤੀ ਜਾ ਸਕਦੀ ਹੈ ।
ਅੱਜ ਅਸੀਂ ਤੁਹਾਡੇ ਨਾਲ ਸ਼ੇਅਰ ਕਰਾਂਗੇ ਪਸ਼ੂ ਦੇ ਸੂਣ ਦੇ ਸਮੇਂ ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ:
• ਸੂਣ ਤੋਂ ਇੱਕ ਜਾਂ ਦੋ ਹਫਤੇ ਪਹਿਲਾਂ ਪਸ਼ੂ ਨੂੰ ਦੂਜੇ ਪਸ਼ੂਆਂ ਤੋਂ ਅਲੱਗ ਰੱਖੋ। ਪਸ਼ੂ ਦੇ ਅਵਾਸ ਸਥਾਨ ਦਾ ਫਰਸ਼ ਸਾਫ ਹੋਵੇ ਅਤੇ ਉਸ 'ਤੇ ਸਾਫ ਮਿੱਟੀ, ਕਣਕ ਜਾਂ ਝੋਨੇ ਦੀ ਪਰਾਲੀ ਵਿਛਾ ਦਿਓ।
• ਸੂਣ ਦੇ ਸਮੇਂ ਪਸ਼ੂ ਕੋਲ ਜ਼ਿਆਦਾ ਮਨੁੱਖਾਂ ਨੂੰ ਇਕੱਠਾ ਨਾ ਹੋਣ ਦਿਓ ਅਤੇ ਪਸ਼ੂ ਨੂੰ ਵੀ ਨਾ ਛੇੜੋ।
• ਸੂਣ ਸਮੇਂ ਜੇਕਰ ਪਸ਼ੂ ਖੜਾ ਹੋਵੇ ਤਾਂ ਧਿਆਨ ਰੱਖੋ ਕਿ ਬੱਚਾ ਜ਼ਮੀਨ 'ਤੇ ਜ਼ੋਰ ਨਾਲ ਨਾ ਡਿੱਗੇ। ਬੱਚਾ ਜਦੋਂ ਯੋਨੀ ਤੋਂ ਬਾਹਰ ਆਉਣ ਲੱਗੇ ਤਾਂ ਹੱਥਾਂ ਨਾਲ ਬੱਚੇ ਨੂੰ ਬਾਹਰ ਕੱਢਣ ਵਿੱਚ ਮਦਦ ਕਰੋ।
• ਸੂਣ ਸਮੇਂ ਜੇਕਰ ਪਸ਼ੂ ਨੂੰ ਕੋਈ ਤਕਲੀਫ ਹੋਣ ਲੱਗੇ, ਜਾਂ ਬੱਚਾ ਬਾਹਰ ਨਾ ਆਏ, ਜਾਂ ਕੁੱਝ ਭਾਗ ਹੀ ਬਾਹਰ ਆਵੇ ਜਾਂ ਪੂਰਾ ਬੱਚਾ ਬਾਹਰ ਨਾ ਨਿਕਲੇ ਤਾਂ ਤੁਰੰਤ ਡਾਕਟਰ ਦੀ ਸਹਾਇਤਾ ਲਓ ਨਹੀਂ ਤਾਂ ਪਸ਼ੂ ਅਤੇ ਬੱਚੇ ਦੋਨਾਂ ਦੀ ਜਾਨ ਨੂੰ ਖਤਰਾ ਹੋ ਸਕਦਾ ਹੈ।
• ਬੱਚਾ ਪੈਦਾ ਹੋਣ ਤੋਂ ਬਾਅਦ ਉਸਦੇ ਕੋਲੋਂ ਸਾਰੀ ਗੰਦਗੀ ਤੁਰੰਤ ਹਟਾ ਦਿਓ ਨਹੀਂ ਤਾਂ ਪਸ਼ੂ ਜੇਰ ਆਦਿ ਖਾ ਜਾਂਦਾ ਹੈ ਜੋ ਹਾਨੀਕਾਰਕ ਹੁੰਦੀ ਹੈ।
ਅੱਜ ਤੁਸੀਂ ਜਾਣਿਆ ਕਿ ਸੂਣ ਸਮੇਂ ਪਸ਼ੂ ਦੀ ਦੇਖਭਾਲ ਕਿਵੇਂ ਕੀਤੀ ਜਾ ਸਕਦੀ ਹੈ। ਅਗਲੇ ਭਾਗ ਵਿੱਚ ਦੱਸਿਆ ਜਾਵੇਗਾ ਕਿ ਪਸ਼ੂ ਦੇ ਸੂਣ ਤੋਂ ਬਾਅਦ ਕਿਨ੍ਹਾਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
ਮਾਹਿਰ ਸੰਸਥਾ
