ਗਰਮੀ ਦੀ ਸ਼ੁਰੂਆਤ ਹੋ ਚੁੱਕੀ ਹੈ ਤੇ ਪਸ਼ੂਆਂ ਨੂੰ ਗਰਮੀਆ ਤੋਂ ਬਚਾਉਣ ਲਈ ਹੁਣ ਤੋਂ ਹੀ ਢੁੱਕਵੇ ਪ੍ਰਬੰਧ ਕਰਨ ਦੀ ਜਰੂਰਤ ਹੈ ਕਿਉਕੀ ਦੁੱਧ ਦੀ ਪੈਦਾਵਾਰ ਵਿੱਚ ਵੀ ਗਰਮੀ ਕਾਰਨ ਫਰਕ ਪੈ ਜਾਂਦਾ ਹੈ। ਇਸ ਤੋਂ ਇਲਾਵਾ ਗਰਮੀ ਵਿੱਚ ਇੱਕ ਗੱਲ ਦਾ ਹੋਰ ਧਿਆਨ ਰੱਖਣਾ ਹੈ ਕਿ ਪਸ਼ੂ ਨੂੰ ਸਿੱਧੀ ਗਰਮ ਲੂਅ ਨਹੀ ਲੱਗਣੀ ਚਾਹੀਦੀ ਕਿਉਕੀ ਇਸ ਨਾਲ ਪਸ਼ੂ ਦੇ ਸਰੀਰ ਵਿੱਚ ਪਾਣੀ ਦੀ ਮਾਤਰਾ ਘੱਟ ਜਾਂਦੀ ਹੈ ਤੇ ਜਿਸ ਨਾਲ ਪਸ਼ੂ ਦੁੱਧ ਵੀ ਘੱਟ ਜਾਂਦਾ ਹੈ ਤੇ ਕਈ ਪਸ਼ੂ ਪਾਲਕ ਪਸ਼ੂਆ ਨੂੰ ਕੰਧ ਦੀ ਛਾਂਵੇ ਬੰਨ ਦਿੰਦੇ ਹਨ ਪਰ ਇਸ ਤਰਾਂ ਨਾ ਕਰੋ ਕਿਉਂਕਿ ਕੰਧ ਦੀ ਛਾਂ ਵਿੱਚ ਵੀ ਗਰਮੀ ਪਸ਼ੂ ਨੂੰ ਲੱਗਦੀ ਹੈ ਕਿਉਂਕਿ ਕੰਧ ਵਿੱਚੋ ਵੀ ਗਰਮੀ ਨਾਲ ਸੇਕ ਮਾਰਦਾ ਹੈ ਤੇ ਰਾਤ ਨੂੰ ਕੰਧ ਵਿੱਚੋਂ ਸੇਕਾ ਮਾਰਦਾ ਹੈ ਬਾਕੀ ਬੇਜੁਬਾਨ ਪਸ਼ੂ ਨੇ ਕਿਹੜਾ ਬੋਲ ਕੇ ਦੱਸ ਦੇਣਾ ਹੁੰਦਾ । ਬਾਕੀ ਜਿੰਨਾਂ ਕੋਲ ਐਚ ਐਫ ਗਾਵਾਂ ਹਨ ਉਹ ਗਾਵਾਂ ਇਹਨਾਂ ਦਿਨਾਂ ਵਿੱਚ ਜਿਆਦਾ ਘੁਰਕਦੀਆ ਹਨ ਤੇ ਗਰਮੀ ਮੰਨਦੀਆ ਹਨ। ਜੇਕਰ ਤੁਹਾਡੀਆ ਗਾਵਾਂ ਵੀ ਘੁਰਕਦੀਆਂ ਹਨ ਤਾਂ ਇਹ ਕਾਰਗਰ ਦੇਸੀ ਤਰੀਕਾ ਵਰਤੋ ।
• 1 ਕੋਰਾ ਮਿੱਟੀ ਦਾ ਘੜਾ
• 1 ਪੇਸੀ ( ਡਲਾ) ਗੁੜ
• 1 ਗੁੰਨੇ ਹੋਏ ਆਟੇ ਦਾ ਪੇੜਾ
ਜੇਕਰ ਗਾਵਾਂ ਬਹੁਤ ਘੁਰਕਦੀਆਂ ਹਨ ਤਾਂ ਉਸ ਲਈ ਤੁਸੀਂ 1 ਕੋਰਾ ਮਿੱਟੀ ਦਾ ਘੜਾ ਲਵੋ ਅਤੇ ਉਸ ਨੂੰ ਅੱਧਾ ਪਾਣੀ ਨਾਲ ਭਰ ਲਵੋ । ਰਾਤ ਨੂੰ ਉਸ ਘੜੇ ਵਿੱਚ 1 ਪੇਸੀ ( ਡਲਾ) ਗੁੜ ਦੀ ਅਤੇ 1 ਗੁੰਨੇ ਹੋਏ ਆਟੇ ਦਾ ਪੇੜਾ ਮਿਲਾ ਦੇਵੋ। ਇਸ ਮਿਸ਼ਰਣ ਨੂੰ ਰਾਤ ਨੂੰ ਰੱਖ ਦਿਓ ਤੇ ਸਵੇਰ ਵੇਲੇ ਇਹਨਾਂ ਨੂੰ ਚੰਗੀ ਤਰਾ ਘੋਲ ਲਵੋ । ਚੰਗੀ ਤਰਾਂ ਘੋਲਣ ਤੋਂ ਬਾਅਦ ਇਸ ਪਾਣੀ ਨੂੰ ਸਵੇਰੇ ਸਭ ਤੋਂ ਪਹਿਲਾਂ ਗਾਂ ਨੂੰ ਪਿਆਉ । ਇਸ ਤਰਾਂ ਤੁਸੀ ਲਗਾਤਾਰ 8-10 ਦਿਨ ਤੱਕ ਪਿਆ ਦਿਉ । ਇਸ ਨਾਲ ਗਾਵਾਂ ਘੁਰਕਣੋ ਬੰਦ ਹੋ ਜਾਣਗੀਆ।
ਅਸੀਂ ਤੁਹਾਡੇ ਵਿਅਕਤੀਗਤ ਵੇਰਵੇ ਕਿਸੇ ਨਾਲ ਵੀ ਸਾਂਝੇ ਨਹੀਂ ਕਰਦੇ.
ਇਸ ਵੈਬਸਾਈਟ ਤੇ ਰਜਿਸਟ੍ਰੇਸ਼ਨ, ਤੁਸੀਂ ਸਾਡੀ ਵਰਤੋਂ ਦੀ ਸ਼ਰਤਾਂ ਅਤੇ ਸਾਡੀ ਗੋਪਨੀਯਤਾ ਨੀਤੀ ਨੂੰ ਸਵੀਕਾਰ ਕਰਦੇ ਹੋ|
ਕੀ ਖਾਤਾ ਨਹੀਂ ਹੈ? ਖਾਤਾ ਬਣਾਉ
ਕੀ ਖਾਤਾ ਨਹੀਂ ਹੈ? ਸਾਈਨਇੰਨ
Please enable JavaScript to use file uploader.