विशेषज्ञ सलाहकार विवरण

ਮਾਹਿਰਾਂ ਵੱਲੋਂ ਸਬਜ਼ੀਆਂ ਅਤੇ ਬਾਗਬਾਨੀ ਦੀ ਖੇਤੀ ਕਰਨ ਵਾਲੇ ਕਿਸਾਨਾਂ ਲਈ ਮਾਹਿਰਾਂ ਦੀਆਂ ਸਲਾਹਾਂ ਇਸ ਪ੍ਰਕਾਰ ਹਨ:

ਸਬਜ਼ੀਆਂ:

• ਬਰਸਾਤ ਰੁੱਤ ਲਈ ਸਿਫ਼ਾਰਿਸ਼ ਕੀਤੀਆਂ ਵੇਲਾਂ ਵਾਲੀ ਸਬਜ਼ੀਆਂ ਜਿਵੇਂ ਕਿ ਕਾਲੀ ਤੋਰੀ, ਘੀਆ ਕੱਦੂ, ਕਰੇਲਾ,ਖੀਰਾ, ਟੀਂਡਾ, ਵੰਗਾ ਆਦਿ, ਭਿੰਡੀ, ਬੈਂਗਣ, ਟਮਾਟਰ ਆਦਿ ਦੀ ਬਿਜਾਈ ਖਤਮ ਕਰ ਲਵੋ।
• ਚੱਲ ਰਿਹਾ ਮੌਸਮ ਮਿਰਚਾਂ ਦੇ ਫ਼ਲਾਂ ਦੇ ਗਾਲ੍ਹੇ ਲਈ ਢੁੱਕਵਾਂ ਹੈ। ਇਸ ਕਰਕੇ ਮਿਰਚਾਂ ਦੀ ਫ਼ਸਲ ਤੇ 250 ਮਿਲੀਲਿਟਰ ਫੌਲੀਕਰ ਜਾਂ 750 ਗ੍ਰਾਮ ਇੰਡੋਫਿਲ ਐਮ-45 ਜਾਂ ਬਲਾਈਟੌਕਸ ਨੂੰ 250 ਲਿਟਰ ਪਾਣੀ ਵਿੱਚ ਘੋਲ ਕੇ ਪ੍ਰਤੀ ਏਕੜ 10 ਦਿਨਾਂ ਦੇ ਵਕਫ਼ੇ 'ਤੇ 3-4 ਛਿੜਕਾਅ ਸਾਫ਼ ਮੌਸਮ ਹੋਣ ਤੇ ਕਰੋ।

ਬਾਗਬਾਨੀ:

• ਬਾਗਾਂ ਵਿੱਚ ਅਤੇ ਬੂਟਿਆਂ ਦੁਆਲੇ ਖੜਾ ਮੀਂਹ ਦਾ ਵਾਧੂ ਪਾਣੀ ਬਾਹਰ ਕੱਢ ਦਿਉ ।
• ਅਮਰੂਦ ਦੇ ਫ਼ਲਾਂ ਨੂੰ ਕਾਣੇ ਹੋਣ ਤੋਂ ਬਚਾਉਣ ਲਈ ਬਾਗਾਂ ਵਿਚ ਪੀ. ਏ. ਯੂ. ਫਰੂਟ ਫਲਾਈ ਟਰੈਪ (16 ਟਰੈਪ ਪ੍ਰਤੀ ਏਕੜ) ਲਗਾਓ।
• ਸਦਾਬਹਾਰ ਫ਼ਲਦਾਰ ਬੂਟਿਆਂ ਦੀ ਲਵਾਈ ਲਈ ਖੇਤ ਤਿਆਰ ਕਰ ਲਵੋ ਅਤੇ ਸਦਾਬਹਾਰ ਫ਼ਲਦਾਰ ਬੂਟਿਆਂ ਦੀ ਲਵਾਈ ਸ਼ੁਰੂ ਕਰ ਦਿਉ।
• ਬਾਗਾਂ ਵਿੱਚੋਂ ਵੱਡੇ ਨਦੀਨਾਂ ਜਿਵੇਂਕਿ ਕਾਂਗਰਸ ਘਾਹ, ਭੰਗ ਆਦਿ ਨੂੰ ਹੱਥਾਂ ਜਾਂ ਕਸੀਏ ਨਾਲ ਪੁੱਟ ਦਿਉ ।