Experts Q&A Search

ਦਲਵੀਰ ਜੀ, ਫੁੱਲਾਂ ਦੀ ਖੇਤੀ ਕਿਸਾਨਾਂ ਲਈ ਕਾਫੀ ਲਾਹੇਵੰਦ ਹੋ ਸਕਦੀ ਹੈ ,ਜੇਕਰ ਇਸਦਾ ਮੰਡੀਕਰਨ ਸਹੀ ਤਰੀਕੇ ਨਾਲ ਕੀਤਾ ਜਾਵੇ। ਪੰਜਾਬ ਦਾ ਪੌਣ - ਪਾਣੀ ਗੇਂਦਾ,ਗਲੈਂਡੀਓਲੱਸ,ਤੇ ਗੁਲਦਾਉਦੀ ਦੀ ਖੇਤੀ ਲਈ ਢੁਕਵਾਂ ਹੈ , ਸੋ ਇਹ ਕਿਸਾਨ ਦੇ ਏਰੀਆ ਦੀ ਮੰਡੀ ਤੇ ਨਿਰਭਰ ਕਰਦਾ ਹੈ ਕਿ ਉਹ ਕਿਹੜੇ ਫੁਲ ਦੀ ਖੇਤੀ ਕਰੇ। ਗੇਂਦੇ ਦੀ ਖੇਤੀ ਜਨਵਰੀ ,ਜੂਨ ਅਤੇ ਸਤੰਬਰ ਵਿਚ ਸ਼ੁਰੂ ਕੀਤੀ ਜਾ ਸਕਦੀ ਹੈ , ਪੰਜ�.... (Read More)

ਦਲਵੀਰ ਜੀ, ਫੁੱਲਾਂ ਦੀ ਖੇਤੀ ਕਿਸਾਨਾਂ ਲਈ ਕਾਫੀ ਲਾਹੇਵੰਦ ਹੋ ਸਕਦੀ ਹੈ ,ਜੇਕਰ ਇਸਦਾ ਮੰਡੀਕਰਨ ਸਹੀ ਤਰੀਕੇ ਨਾਲ ਕੀਤਾ ਜਾਵੇ। ਪੰਜਾਬ ਦਾ ਪੌਣ - ਪਾਣੀ ਗੇਂਦਾ,ਗਲੈਂਡੀਓਲੱਸ,ਤੇ ਗੁਲਦਾਉਦੀ ਦੀ ਖੇਤੀ ਲਈ ਢੁਕਵਾਂ ਹੈ , ਸੋ ਇਹ ਕਿਸਾਨ ਦੇ ਏਰੀਆ ਦੀ ਮੰਡੀ ਤੇ ਨਿਰਭਰ ਕਰਦਾ ਹੈ ਕਿ ਉਹ ਕਿਹੜੇ ਫੁਲ ਦੀ ਖੇਤੀ ਕਰੇ। ਗੇਂਦੇ ਦੀ ਖੇਤੀ ਜਨਵਰੀ ,ਜੂਨ ਅਤੇ ਸਤੰਬਰ ਵਿਚ ਸ਼ੁਰੂ ਕੀਤੀ ਜਾ ਸਕਦੀ ਹੈ , ਪੰਜਾਬ ਗੇਂਦਾ ਨੰ:1, ਜਾਇੰਟ ਡਬਲ ਅਫਰੀਕਨ ਆਰੇਂਜ, ਪੂਸਾ ਬਸੰਤੀ, ਅਮਰੀਕਨ ਹਵਾਈ ਅਤੇ ਜਾਫਰੀ,ਪੂਸਾ ਅਰਪਿਤਾ ਇਸ ਦੀਆਂ ਪ੍ਰਚਲਿਤ ਕਿਸਮਾਂ ਹਨ | ਗੇਂਦੇ ਦਾ ਬੂਟਿਆਂ ਵਿਚ ਵਾਧਾ ਅਤੇ ਫੁਲ ਆਉਣਾ ਨਾਲ - ਨਾਲ ਚਲਦਾ ਰਹਿੰਦਾ ਹੈ ਜਦੋ ਕਿ ਜਾਫਰੀ ਵਿਚ ਬੂਟਾ ਪਹਿਲਾਂ ਵਾਧਾ ਕਰਦਾ ਹੈ ਅਤੇ ਫਿਰ ਫੁਲ ਲੱਗਦੇ ਹਨ। ਗੇਂਦੇ ਦਾ ਫੁੱਲ ਜਾਫਰੀ ਨਾਲੋਂ ਵੱਡਾ ਹੁੰਦਾ ਹੈ ਅਤੇ ਜਾਫਰੀ ਦੀ ਕਾਸ਼ਤ ਸਿਰਫ ਸਰਦੀਆਂ ਵਿਚ ਹੀ ਕੀਤੀ ਜਾਂਦੀ ਹੈ। ਇਸ ਦੀ ਖੇਤੀ ਲਈ ਪਹਿਲਾ ਪਨੀਰੀ ਤਿਆਰ ਕਰਨੀ ਹੁੰਦੀ ਹੈ ਜਿਸ ਲਈ 400 g /ਏਕੜ ਬੀਜ ਲੱਗਦਾ ਹੈ ਤੇ ਇਕ ਮਹੀਨੇ ਬਾਅਦ ਪਨੀਰੀ ਨੂੰ ਖੇਤ ਵਿਚ 40 x 40 cm ਦੇ ਫ਼ਾਸਲੇ ਤੇ ਲਗਾ ਦਿੱਤਾ ਜਾਂਦਾ ਹੈ। 180 ਕਿੱਲੋ urea ,250 ਕਿੱਲੋ SSP ਅਤੇ 45 ਕਿੱਲੋ MOP ਖਾਦਾਂ ਦੀ ਵਰਤੋਂ ਕਰੋ। ਆਮ ਤੌਰ ਤੇ ਜੁਲਾਈ ਦੀ ਫਸਲ 60 ਕੁਇੰਟਲ, ਅਕਤੂਬਰ ਦੀ ਫਸਲ 40 ਕੁਇੰਟਲ ਅਤੇ ਫਰਵਰੀ ਦੀ ਫਸਲ 30 ਕੁਇੰਟਲ ਪ੍ਰਤੀ ਏਕੜ ਝਾੜ ਦਿੰਦੀ ਹੈ। ਮੰਡੀ ਵਿਚ ਜਾਫਰੀ ਕਿਸਮ ਦੀ ਜ਼ਿਆਦਾ ਮੰਗ ਹੁੰਦੀ ਹੈ ਕਿਉਕਿ ਇਸ ਦੇ ਗਾਰਲੈਂਡ ਜ਼ਿਆਦਾ ਵਧੀਆ ਅਤੇ ਸੌਖੇ ਬਣਦੇ ਹਨ। ਵਧੇਰੇ ਝਾੜ ਲਈ ਫੁੱਲਾਂ ਦੀ ਤੁੜਾਈ ਲਗਾਤਾਰ ਕਰਨੀ ਪੈਂਦੀ ਹੈ। ਫੁੱਲਾਂ ਨੂੰ ਪੂਰੇ ਆਕਾਰ ਦੇ ਹੋਣ ਤੇ ਤੋੜਿਆ ਜਾਂਦਾ ਹੈ ਅਤੇ 4-5 ਵਾਰ ਤੁੜਾਈ ਕੀਤੀ ਜਾਂਦੀ ਹੈ।ਗਲੈਡੀਓਲੱਸ:ਦੀ ਬਿਜਾਈ ਜੁਲਾਈ ਤੋਂ ਦਸੰਬਰ ਤਕ ਗੰਢੀਆਂ ਰਾਹੀਂ ਕੀਤੀ ਜਾ ਸਕਦੀ ਹੈ। white prosperity ,red beauty nova lux ਪੰਜਾਬ ਪਿੰਕ ਐਲੀਗੈਂਸਮ, ਪੰਜਾਬ ਗਲਾਂਸ,ਪੰਜਾਬ ਗਲੈਡ-1,ਪੰਜਾਬ ਫਲੇਮ,ਪੰਜਾਬ ਗਲੈਡ-੨ ਇਸ ਦੀਆਂ ਉੱਨਤ ਕਿਸਮ ਹਨ , ਕੋਈ ਵੀ ਕਿਸਮ ਅਗੇਤੀ ਜਾਂ ਪਸ਼ੇਤੀ ਨਹੀਂ ਹੁੰਦੀ | ਗੰਢੀਆਂ ਨੂੰ 30 × 20 ਸੈ.ਮੀ. ਤੇ ਲਗਾਇਆ ਜਾਂਦਾ ਹੈ। ਬਿਜਾਈ ਤੋਂ 40 ਅਤੇ 70 ਦਿਨਾਂ ਬਾਅਦ ਦੋ ਵਾਰ ਮਿੱਟੀ ਚੜ੍ਹਾਉਣੀ ਜ਼ਰੂਰੀ ਹੈ। ਹਰ ਸਾਲ ਇੱਕੋ ਖੇਤ ਵਿੱਚ ਫਸਲ ਲਗਾਉਣ ਤੋਂ ਗੁਰੇਜ਼ ਕਰਨਾ ਚਾਹੀਦਾ ਹੈ ਕਿਉਕਿ ਇਸ ਵਿਚ ਵਿਲਟ ਬਿਮਾਰੀ ਜ਼ਿਆਦਾ ਆਓਂਦੀ ਹੈ। 180 ਕਿੱਲੋ urea ,250 ਕਿੱਲੋ SSP ਅਤੇ 45 ਕਿੱਲੋ MOP ਖਾਦਾਂ ਦੀ ਵਰਤੋਂ ਕਰੋ। ਫੁੱਲਾਂ ਦੀ ਤੁੜਾਈ ਹੇਠਲੇ ਚਾਰ ਪੱਤੇ ਛੱਡ ਕੇ ਕਰਣੀ ਚਾਹੀਦੀ ਹੈ। ਦੂਰ ਦੀਆਂ ਮੰਡੀਆਂ ਲਈ ਹੇਠਲੇ ਫੁੱਲ ਦਾ ਰੰਗ ਦਿਸਣ ਤੇ ਅਤੇ ਨੇੜੇ ਦੀਆਂ ਮੰਡੀਆਂ ਲਈ ਹੇਠਲਾ ਫੁੱਲ ਪੂਰਾ ਖੁੱਲ੍ਹਣ ਤੇ ਤੁੜਾਈ ਕਰਨੀ ਚਾਹੀਦੀ ਹੈ। ਮੁੱਖ ਤੌਰ ਤੇ ਗੁਲਦਾਉਦੀ ਦਾ ਤਿੰਨ ਸ਼੍ਰੇਣੀਆਂ ਵਿੱਚ ਵਰਗੀਕਰਨ ਕੀਤਾ ਜਾਦਾ ਹੈ, ਸਟੈਂਡਰਡ ਅਤੇ ਸਪ੍ਰੇ ਅਤੇ ਪੋਟ । ਸਟੈਂਡਰਡ ਦੀ ਸ਼੍ਰੇਣੀ ਵਿੱਚ ਫੁੱਲ ਦਾ ਅਕਾਰ ਵੱਡਾ ਹੁੰਦਾ ਹੈ ਅਤੇ ਇਕ ਕਲਮ ਦੇ ਸਿਰੇ ਤੋਂ ਇੱਕ ਵੱਡੇ ਅਕਾਰ ਦਾ ਫੁੱਲ ਲਿਆ ਜਾਦਾ ਹੈ, ਜਦੋ ਕਿ ਸਪ੍ਰੇ ਸ਼੍ਰੇਣੀ ਵਿੱਚ ਫੁੱਲਾਂ ਦਾ ਅਕਾਰ ਛੋਟਾ ਹੁੰਦਾ ਹੈ ਅਤੇ ਫੁੱਲ ਗੁਛਿੱਆਂ ਵਿੱਚ ਲਗਦੇ ਹਨ, ਪੋਟ ਕਿਸਮ ਵਾਲੇ ਪੌਦੇ ਸਜਾਵਟੀ ਤੌਰ ਤੇ ਘਰਾਂ ਵਿਚ ਰਾਖੇ ਵਿਚ ਰੱਖੇ ਜਾਂਦੇ ਹਨ । ਇਸ ਦੇ ਬੂਟੇ ਕਲਮਾਂ ਤੋਂ ਜੂਨ - ਜੁਲਾਈ ਵਿਚ ਤਿਆਰ ਕੀਤੇ ਜਾਂਦੇ ਹਨ ਅਤੇ ਅਗਸਤ ਵਿਚ ਖੇਤ ਲਗਾਏ ਜਾਂਦੇ ਹਨ। ਗੁਲਦਾਉਦੀ ਦੇ ਪੌਦਿਆਂ ਨੂੰ ਸਹਾਰਾ ਦੇਣਾ ਅਤੀ ਜ਼ਰੂਰੀ ਹੈ ਕਿਉਂਕਿ ਜ਼ਿਆਦਾ ਤਰ ਕਿਸਮਾਂ ਦਾ ਤਣਾ ਬਹੁਤ ਸਖਤ ਨਾ ਹੋਣ ਕਰਕੇ ਫੁੱਲਾਂ ਦੇ ਭਾਰ ਨੂੰ ਨਹੀ ਸਹਾਰ ਸਕਦਾ।160ਕਿੱਲੋ ਕਿਸਾਨ ਖਾਦ ,500ਕਿੱਲੋ SSP ਅਤੇ 133 ਕਿੱਲੋ MOP ਖਾਦਾਂ ਦੀ ਵਰਤੋਂ ਹੁੰਦੀ ਹੈ। ਪੂਰੇ ਖੁੱਲ੍ਹੇ ਫੁੱਲਾਂ ਨੂੰ ਸਵੇਰੇ ਤੋੜਨਾਂ ਚਾਹੀਦਾ ਹੈ ਅਤੇ ਟੋਕਰੀਆਂ ਜਾਂ ਬੋਰੀਆਂ ਵਿੱਚ ਭਰ ਦੇਣਾ ਚਾਹੀਦਾ ਹੈ।ਇਕੱਲੇ ਫੁੱਲ ਵਾਲੀਆਂ ਕਿਸਮਾਂ ਉਸ ਸਮੇਂ ਤੋੜਨੀਆਂ ਚਾਹੀਦੀਆਂ ਹਨ ਜਦ ਸਭ ਤੋਂ ਬਾਹਰ ਵਾਲੀਆਂ ਪੰਖੜੀਆਂ ਪੂਰੀਆਂ ਖੁੱਲ੍ਹ ਜਾਣ। ਗੁੱਛੇਦਾਰ ਕਿਸਮਾਂ ਨੂੰ 2-3 ਫੁੱਲ ਖਿੜਨ ਤੇ ਤੋੜਨਾ ਚਾਹੀਦਾ ਹੈ।ਡੰਡੀਦਾਰ ਫੁੱਲਾਂ ਦਾ ਔਸਤ ਝਾੜ 80000-90000 ਫੁੱਲ ਅਤੇ ਬਿਨਾਂ ਡੰਡੀ ਵਾਲੇ ਫੁੱਲਾਂ ਦਾ ਔਸਤ ਝਾੜ 50-60 ਕੁਇੰਟਲ ਪ੍ਰਤੀ ਏਕੜ ਹੁੰਦਾ ਹੈ।