ਅੱਪਡੇਟ ਵੇਰਵਾ

ਦੁਆਰਾ ਪੋਸਟ ਕੀਤਾ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲੁਧਿਆਣਾ

2020-04-29 17:36:02

ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵੱਲੋਂ ਵਿਕਸਤ ਅਤੇ ਸਿਫਾਰਿਸ਼ ਕੀਤੀਆਂ ਸੱਤ ਨਵੀਆਂ ਕਿਸਮਾਂ

ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (ਪੀ.ਏ.ਯੂ.) ਨੇ ਪੰਜਾਬ ਵਿਚ ਆਮ ਕਾਸ਼ਤ ਲਈ ਸੱਤ ਨਵੀਆਂ ਕਿਸਮਾਂ ਵਿਕਸਤ ਅਤੇ ਸਿਫਾਰਸ਼ ਕੀਤੀਆਂ ਹਨ। ਇਸ ਵਿੱਚ ਝੋਨੇ ਦੀ PR 128, PR 129 ਅਤੇ HKR 47, ਚਾਰੇ ਵਾਲੀ ਮੱਕੀ ਦੀ J 1007, ਮੂੰਗਫਲੀ ਦੀ J 87, ਮੱਕੀ ਦੀ JC 12 ਅਤੇ ਬਾਜਰੇ ਦੀ PCB 165 ਕਿਸਮ ਸ਼ਾਮਲ ਹੈ। ਖੇਤੀਬਾੜੀ ਵਿਭਾਗ ਦੇ ਡਾਇਰੈਕਟਰ ਡਾ. ਸੁਤੰਤਰ ਕੁਮਾਰ ਐਰੀ ਦੀ ਪ੍ਰਧਾਨਗੀ ਹੇਠ ਹੋਈ ਸਟੇਟ ਵਰਾਇਟੀ ਪ੍ਰਵਾਨਗੀ ਕਮੇਟੀ ਦੀ ਮੀਟਿੰਗ ਦੌਰਾਨ ਸਾਰੀਆਂ ਕਿਸਮਾਂ ਨੂੰ ਪ੍ਰਵਾਨਗੀ ਦਿੱਤੀ ਗਈ। ਡਾ. ਨਵਤੇਜ ਸਿੰਘ ਬੈਂਸ, ਡਾਇਰੈਕਟਰ ਆਫ਼ ਰਿਸਰਚ ਅਤੇ ਡਾ. ਜਸਕਰਨ ਸਿੰਘ ਮਾਹਲ, ਡਾਇਰੈਕਟਰ ਪਸਾਰ ਸਿੱਖਿਆ, ਪੀਏਯੂ ਅਨੁਸਾਰ ਸਾਰੀਆਂ ਕਿਸਮਾਂ ਦੀਆਂ ਵਿਸ਼ੇਸ਼ਤਾਵਾਂ ਉੱਤੇ ਬਾਰੀਕੀ ਨਾਲ ਵਿਚਾਰ ਵਟਾਂਦਰੇ ਕੀਤੇ ਗਏ।

PR 128 ਕਿਸਮ ਪੀ.ਏ.ਯੂ. 201 ਦਾ ਮਿਆਰ ਪੱਖੋਂ ਸੋਧਿਆ ਰੂਪ ਹੈ। ਇਸਦੇ ਦਾਣੇ ਲੰਬੇ ਪਤਲੇ ਸਾਫ ਪਾਰਦਰਸ਼ੀ ਹੁੰਦੇ ਹਨ। ਇਸ ਦਾ ਔਸਤਨ ਕੱਦ 110 ਸੈ.ਮੀ. ਹੁੰਦਾ ਹੈ ਅਤੇ ਇਹ 111 ਦਿਨਾਂ ਵਿੱਚ ਪੱਕ ਜਾਂਦੀ ਹੈ। ਇਹ ਪੰਜਾਬ ਰਾਜ ਵਿੱਚ ਬੈਕਟਰੀਅਲ ਬਲਾਈਟ ਪੈਥੋਜਨ ਦੀਆਂ 10 ਪ੍ਰਚੱਲਿਤ ਪੈਥੋਟਾਈਪਾਂ ਦੀ ਰੋਧਕ ਹੈ। ਇਸ ਦਾ ਔਸਤਨ ਝਾੜ 30.5 ਕੁਇੰਟਲ ਪ੍ਰਤੀ ਏਕੜ ਹੈ।

PR 129 ਪੀ.ਏ.ਯੂ. 201 ਦਾ ਮਿਆਰ ਪੱਖੋਂ ਸੋਧਿਆ ਰੂਪ ਹੈ। ਇਸਦੇ ਦਾਣੇ ਲੰਬੇ ਪਤਲੇ ਸਾਫ ਪਾਰਦਰਸ਼ੀ ਹੁੰਦੇ ਹਨ। ਇਸ ਦਾ ਔਸਤਨ ਕੱਦ 105 ਸੈ.ਮੀ. ਹੁੰਦਾ ਹੈ ਅਤੇ ਇਹ ਰੋਪਣ ਤੋਂ ਬਾਅਦ 108 ਦਿਨਾਂ ਵਿੱਚ ਪੱਕ ਜਾਂਦੀ ਹੈ। ਇਹ ਪੰਜਾਬ ਰਾਜ ਵਿੱਚ ਬੈਕਟਰੀਅਲ ਬਲਾਈਟ ਪੈਥੋਜਨ ਦੀਆਂ 10 ਪ੍ਰਚੱਲਿਤ ਪੈਥੋਟਾਈਪਾਂ ਦੀ ਰੋਧਕ ਹੈ। ਇਸ ਦਾ ਔਸਤਨ ਝਾੜ 30.0 ਕੁਇੰਟਲ ਪ੍ਰਤੀ ਏਕੜ ਹੈ।

HKR 47 ਘੱਟ ਸਮੇਂ ਵਿੱਚ ਪੱਕਣ ਵਾਲੀ ਕਿਸਮ ਹੈ। ਇਹ ਕਿਸਮ ਰੋਪਣ ਤੋਂ ਬਾਅਦ 104 ਦਿਨਾਂ ਵਿੱਚ ਪੱਕਦੀ ਹੈ। ਇਸ ਦਾ ਔਸਤਨ ਕੱਦ 117 ਸੈ.ਮੀ. ਹੁੰਦਾ ਹੈ। ਇਹ ਪੰਜਾਬ ਰਾਜ ਵਿੱਚ ਬੈਕਟਰੀਅਲ ਬਲਾਈਟ ਪੈਥੋਜਨ ਦੀਆਂ 10 ਪ੍ਰਚੱਲਿਤ ਪੈਥੋਟਾਈਪਾਂ ਪ੍ਰਤੀ ਸੰਵੇਦਨਸ਼ੀਲ ਹੈ ਅਤੇ ਅਸਥਾਈ ਜਗ੍ਹਾ ਤੋਂ ਗ੍ਰਸਤ ਹੋ ਸਕਦੀ ਹੈ। ਇਸ ਦਾ ਔਸਤਨ ਝਾੜ 29.5 ਕੁਇੰਟਲ ਪ੍ਰਤੀ ਏਕੜ ਹੈ। ਇਹ ਕਿਸਮ ਘੱਟ ਪਕਾਉਣ ਲਈ ਅਨੁਕੂਲ ਹੈ।

J 1007 ਚਾਰੇ ਵਾਲੀ ਮੱਕੀ ਦੀ ਕਿਸਮ ਪੱਤਿਆਂ ਦੇ ਝੁਲਸ ਰੋਗ ਅਤੇ ਚਾਰਕੋਲ ਗਲਨ ਬਿਮਾਰੀ ਦੀ ਰੋਧਕ ਹੈ। ਇਸ ਕਿਸਮ ਦੇ ਹਰੇ ਚਾਰੇ ਦੀ ਔਸਤਨ ਉਪਜ 175 ਕੁਇੰਟਲ ਪ੍ਰਤੀ ਏਕੜ ਹੁੰਦੀ ਹੈ ਅਤੇ ਇਸ ਵਿੱਚ J 1006 ਦੇ ਹਰੇ ਚਾਰੇ ਨਾਲੋਂ ਬਿਹਤਰ ਪੋਸ਼ਕ ਤੱਤ ਹੁੰਦੇ ਹਨ।

J 87 ਬਹਾਰ ਰੁੱਤ ਅਤੇ ਬਰਸਾਤ ਦੋਵੇਂ ਰੁੱਤਾਂ ਵਿੱਚ ਕਾਸ਼ਤ ਲਈ ਮੂੰਗਫਲੀ ਦੀ ਸਿਫ਼ਾਰਸ਼ ਕੀਤੀ ਕਿਸਮ ਹੈ। ਇਹ ਮੂੰਗਫਲੀ ਦੀ ਅੱਧ-ਸਿੱਧੀ ਅਤੇ ਗੁੱਛੇਦਾਰ ਕਿਸਮ ਹੈ। ਬਸੰਤ ਦੇ ਮੌਸਮ ਦੌਰਾਨ ਇਸਦੀ 15.3 ਕੁਇੰਟਲ ਪ੍ਰਤੀ ਏਕੜ ਫਲੀਆਂ ਦੀ ਉਪਜ ਹੁੰਦੀ ਹੈ। ਜਦਕਿ ਸਾਉਣੀ ਦੇ ਮੌਸਮ ਦੌਰਾਨ ਇਸਦੀਆਂ ਫਲੀਆਂ ਦੀ ਉਪਜ 12.8 ਕੁਇੰਟਲ ਪ੍ਰਤੀ ਏਕੜ ਹੁੰਦੀ ਹੈ। ਇਹ ਕਿਸਮ ਪੱਕਣ ਲਈ 112 ਦਿਨਾਂ ਦਾ ਸਮਾਂ ਲੈਂਦੀ ਹੈ।

JC 12 ਮੱਕੀ ਦੀ ਕਿਸਮ ਦਾ ਔਸਤਨ ਝਾੜ 18.5 ਕੁਇੰਟਲ ਪ੍ਰਤੀ ਏਕੜ ਹੈ। ਇਹ ਕਿਸਮ ਤਕਰੀਬਨ 99 ਦਿਨਾਂ ਵਿੱਚ ਪੱਕਦੀ ਹੈ। ਇਹ 279 ਗ੍ਰਾਮ ਭਾਰ ਦੇ 1000 ਦਾਣਿਆਂ ਦੇ ਨਾਲ 84% ਬੱਲੀਆਂ ਦੀ ਉਪਜ ਦਿੰਦੀ ਹੈ।

PCB 165 ਬਾਜਰੇ ਦੇ ਦੋਹਰੇ ਮੰਤਵ ਵਾਲੀ ਕਿਸਮ ਹੈ। ਇਹ ਬਾਜਰੇ ਦੀਆਂ ਮੁੱਖ ਬਿਮਾਰੀਆਂ ਦੀ ਰੋਧਕ ਹੈ। ਇਸਦੇ ਦਾਣੇ ਪਾੱਪਿੰਗ ਲਈ ਅਨੁਕੂਲ ਹੁੰਦੇ ਹਨ। ਇਸ ਕਿਸਮ ਦੇ ਦਾਣਿਆਂ ਦੀ ਪੈਦਾਵਾਰ PCB 164 ਕਿਸਮ ਦੇ ਦਾਣਿਆਂ ਦੀ ਪੈਦਾਵਾਰ (11.04 ਕੁਇੰਟਲ ਪ੍ਰਤੀ ਏਕੜ) ਦੀ ਤੁਲਨਾ ਵਿੱਚ ਵੱਧ (12.8 ਕੁਇੰਟਲ ਪ੍ਰਤੀ ਏਕੜ) ਹੁੰਦੀ ਹੈ। ਇਸ ਕਿਸਮ ਦੇ ਚਾਰੇ ਦੀ ਉਪਜ (234 ਕੁਇੰਟਲ ਪ੍ਰਤੀ ਏਕੜ) FBC 16 ਕਿਸਮ ਦੇ ਚਾਰੇ ਦੀ ਉਪਜ (214 ਕੁਇੰਟਲ ਪ੍ਰਤੀ ਏਕੜ) ਦੀ ਤੁਲਨਾ ਵਿੱਚ ਵੱਧ ਹੁੰਦੀ ਹੈ।