- ਮਧੂ ਮੱਖੀਆਂ ਦੇ ਪਾਲਣ ਦੇ ਸਥਾਨ ਦੀਆਂ ਵਿਸ਼ੇਸ਼ਤਾਵਾਂ:
ਪਾਣੀ: ਮਧੂ ਮੱਖੀਆਂ ਦੇ ਲਈ ਭਰਪੂਰ ਮਾਤਰਾ ਵਿੱਚ ਕੁਦਰਤੀ ਅਤੇ ਬਣਾਉਟੀ ਪਾਣੀ ਦਾ ਸ੍ਰੋਤ ਹੋਣਾ ਚਾਹੀਦਾ ਹੈ।
ਆਵਾਸ: ਕੁਦਰਤੀ ਅਤੇ ਬਣਾਉਟੀ ਤੌਰ 'ਤੇ ਬਣੇ ਸ਼ੈੱਡ ਵਿੱਚ ਛੱਤੇ ਨੂੰ ਰੱਖਿਆ ਜਾਣਾ ਚਾਹੀਦਾ ਹੈ। ਸਰਦੀਆਂ ਵਿੱਚ ਛੱਤਿਆਂ ਨੂੰ ਠੰਡ ਅਤੇ ਠੰਡੀ ਹਵਾ ਤੋਂ ਬਚਾਉਣ ਲਈ ਪੌਦਿਆਂ ਦੇ ਆਲ਼ੇ ਦੁਆਲ਼ੇ ਜਾਂ ਕਿਸੇ ਆਵਾਸ ਦੇ ਨੇੜੇ ਰੱਖਣਾ ਚਾਹੀਦਾ ਹੈ।
ਬਸੰਤ(ਅੱਧ ਫਰਵਰੀ ਤੋਂ ਮੱਧ ਅਪ੍ਰੈਲ): ਇਸ ਨੂੰ ਸ਼ਹਿਦ ਦੇ ਵਹਾਅ ਦੇ ਮੌਸਮ ਦੇ ਤੌਰ 'ਤੇ ਜਾਣਿਆ ਜਾਂਦਾ ਹੈ। ਜਿਵੇਂ ਹੀ ਇਹ ਮੌਸਮ ਆਉਂਦਾ ਹੈ, ਮਧੂ-ਮੱਖੀਆਂ ਦੇ ਛੱਤਿਆਂ ਨੂੰ ਖੋਲੋ। ਮੌਸਮ ਦੇ ਸ਼ੁਰੂ ਹੋਣ 'ਤੇ, ਦੁਪਹਿਰ ਦੇ ਸਮੇਂ ਸਾਫ ਧੁੱਪ ਵਿੱਚ ਛੱਤਿਆਂ ਦੀ ਜਾਂਚ ਕਰੋ। ਜਿਵੇਂ ਹੀ ਛੱਤਿਆਂ ਦੇ ਵਿੱਚ ਵਾਧਾ ਹੋਵੇਗਾ ਤਾਂ ਉਹਨਾਂ ਨੂੰ ਭੋਜਨ ਅਤੇ ਸਥਾਨ ਪ੍ਰਦਾਨ ਕਰੋ। ਉਪ ਨਿਵੇਸ਼ਾਂ ਦੇ ਚੰਗੇ ਵਾਧੇ ਅਤੇ ਵਿਕਾਸ ਲਈ ਕਾਫੀ ਮਾਤਰਾ ਵਿੱਚ ਆਹਾਰ (ਮੁੱਖ ਤੌਰ 'ਤੇ 1:2 ਦੇ ਅਨੁਪਾਤ ਵਿੱਚ ਖੰਡ ਅਤੇ ਮਿੱਟੀ ਦਾ ਮਿਸ਼ਰਣ) ਪ੍ਰਦਾਨ ਕਰੋ। ਸੰਘਣੇ ਛੱਤੇ ਝੁੰਡਾਂ ਨੂੰ ਖਰਾਬ ਕਰ ਦਿੰਦੇ ਹਨ। ਛੱਤਿਆਂ ਨੂੰ ਇਸ ਤਰ੍ਹਾਂ ਵੰਡੋ ਕਿ ਝੁੰਡ ਨੂੰ ਰਹਿਣ ਲਈ ਇੱਕ ਸਹੀ ਜਗ੍ਹਾ ਮਿਲ ਜਾਵੇ। 3 ਤੋਂ ਜਿਆਦਾ ਉਮਰ ਵਾਲੇ ਛੱਤੇ ਅਤੇ 1.5 ਸਾਲ ਤੋਂ ਵੱਡੀ ਰਾਣੀ ਮਧੂ-ਮੱਖੀ ਨੂੰ ਹਟਾ ਦੇਣਾ ਚਾਹੀਦਾ ਹੈ। ਝੁੰਡਾਂ ਵਿੱਚ ਵਾਧੇ, ਰਾਣੀ ਮਧੂ-ਮੱਖੀ ਦੇ ਪਾਲਣ, ਪਰਾਗ ਸੰਗ੍ਰਹਿ ਅਤੇ ਰੋਇਲ ਜੈਲੀ ਉਤਪਾਦਨ ਦੇ ਲਈ ਬਸੰਤ ਰੁੱਤ ਬਹੁਤ ਚੰਗੀ ਹੁੰਦੀ ਹੈ।
ਗਰਮੀ ਦਾ ਮੌਸਮ(ਅੱਧ ਅਪ੍ਰੈਲ ਤੋਂ ਜੂਨ): ਗਰਮੀ ਦੇ ਮੌਸਮ ਵਿੱਚ ਮਧੂ ਮੱਖੀਆਂ ਦੀ ਜਿਉਣ ਲਈ ਲੋੜੀਂਦੀ ਮਾਤਰਾ ਵਿੱਚ ਪਾਣੀ ਅਤੇ ਛਾਂ ਪ੍ਰਦਾਨ ਕਰੋ। ਮਧੂ-ਮੱਖੀਆਂ ਨੂੰ ਇਸ ਮੌਸਮ ਵਿੱਚ ਮਰਨ ਤੋਂ ਬਚਾਉਣਾ ਚਾਹੀਦਾ ਹੈ ਅਤੇ ਇਸ ਮੌਸਮ ਵਿੱਚ ਸ਼ਹਿਦ ਦੀ ਉਪਜ ਵੀ ਘੱਟ ਹੁੰਦੀ ਹੈ।
ਮੌਨਸੂਨ ਦਾ ਮੌਸਮ(ਜੁਲਾਈ ਤੋਂ ਅੱਧ ਸਤੰਬਰ): ਇਹ ਯਕੀਨੀ ਬਣਾਓ ਕਿ ਮਧੂ ਮੱਖੀਆਂ ਦੇ ਰਹਿਣ ਦੀ ਜਗ੍ਹਾ 'ਤੇ ਨਮੀ ਨਾ ਹੋਵੇ। ਇਸ ਵਿੱਚ ਉਚਿੱਤ ਜਲ਼ ਨਿਕਾਸ ਦਾ ਪ੍ਰਬੰਧ ਹੋਣਾ ਚਾਹੀਦਾ ਹੈ। ਇਹਨਾਂ ਨੂੰ ਖੰਡ ਦਾ ਘੋਲ ਆਹਾਰ ਦੇ ਰੂਪ ਵਿੱਚ ਪ੍ਰਦਾਨ ਕਰੋ। ਜੇਕਰ ਛੱਤਿਆਂ ਦੇ ਵਿੱਚ ਪਰਾਗ ਦੀ ਕਮੀ ਹੋਵੇ, ਤਾਂ ਉਹਨਾਂ ਨੂੰ ਪਰਾਗ ਦਾ ਕੋਈ ਹੋਰ(42 ਗ੍ਰਾਮ ਸ਼ਰਾਬ ਬਣਾਉਣ ਵਾਲਾ ਖਮੀਰ+4 ਗ੍ਰਾਮ ਦੁੱਧ ਪਾਊਡਰ 50% ਏਕਸਾ ਵਾਲੀ ਖੰਡ ਦਾ ਮਿਸ਼ਰਣ 50 ਗ੍ਰਾਮ+4 ਗ੍ਰਾਮ ਪੁਣਿਆ ਹੋਇਆ ਆਟਾ) 10% ਪਰਾਗ ਵਿਕਲਪ ਮਿਲਾ ਕੇ ਦਿਓ।
ਪਤਝੜ ਦਾ ਮੌਸਮ(ਅੱਧ ਸਤੰਬਰ ਤੋਂ ਨਵੰਬਰ): ਪਤਝੜ ਦਾ ਮੌਸਮ ਛੱਤਿਆਂ ਦੇ ਵਾਧੇ ਲਈ ਦੂਸਰਾ ਸਭ ਤੋਂ ਚੰਗਾ ਮੌਸਮ ਮੰਨਿਆ ਜਾਂਦਾ ਹੈ। ਛੱਤੇ ਮੁੱਖ ਤੌਰ 'ਤੇ ਮਟਰ, ਤੋਰੀਏ, ਅਮਰੂਦ ਅਤੇ ਬੇਰ ਆਦਿ ਫਸਲਾਂ ਵਿੱਚ ਰੱਖ ਦਿਓ। ਨਵੰਬਰ ਦੇ ਅੰਤ ਵਿੱਚ, ਮਧੂ-ਮੱਖੀਆਂ ਚੰਗੀ ਪੈਦਾਵਾਰ ਦਿੰਦੀਆਂ ਹਨ। ਬਸੰਤ ਦੇ ਮੌਸਮ ਵਿੱਚ ਅਪਣਾਏ ਗਏ ਸਾਰੇ ਉਪਾਅ ਉਸੇ ਤਰ੍ਹਾਂ ਹੀ ਅਪਣਾਓ। ਮੌਨਸੂਨ ਦੇ ਅੰਤ ਵਿੱਚ, ਕਲੋਨੀਆਂ ਨੂੰ ਹੌਲੀ-ਹੌਲੀ ਧੁੱਪ ਵਾਲੇ ਸਥਾਨਾਂ 'ਤੇ ਲਿਜਾਣਾ ਚਾਹੀਦਾ ਹੈ।
ਠੰਡ ਵਾਲਾ ਮੌਸਮ(ਦਸੰਬਰ ਤੋਂ ਅੱਧ ਫਰਵਰੀ): ਬਰੂਡ ਪਾਲਣ ਲਈ, ਛੱਤਿਆਂ ਨੂੰ ਰਾਇਆ(ਸਰੋਂ) ਅਤੇ ਧੁੱਪ ਵਾਲੇ ਖੇਤਰਾਂ ਵਿੱਚ ਰੱਖੋ। ਕਮਜ਼ੋਰ ਕਲੋਨੀਆਂ ਦੀ ਜਾਂਚ ਕਰੋ, ਉਹਨਾਂ ਨੂੰ ਮਜ਼ਬੂਤ ਕਲੋਨੀਆਂ ਦੇ ਨਾਲ ਮਿਲਾਓ। ਕਮਜ਼ੋਰ ਕਲੋਨੀਆਂ ਨੂੰ ਪੂਰਾ ਆਹਾਰ ਖੰਡ ਅਤੇ ਪਾਣੀ 2:1 ਵਿੱਚ ਮਿਲਾ ਕੇ ਦਿਓ। ਠੰਡੀਆਂ ਹਵਾਵਾਂ ਤੋਂ ਬਚਾਉਣ ਲਈ ਛੱਤਿਆਂ ਨੂੰ ਦੱਖਣ-ਪੂਰਬ ਵਿੱਚ ਰੱਖੋ।
