ਮਹਾਰਾਸ਼ਟਰ ਦੇ ਅਹਿਮਦਨਗਰ ਜ਼ਿਲ੍ਹੇ ਦੇ ਕਿਸਾਨ ਨੇ ਪਿਆਜ ਦੀਆਂ ਕੀਮਤਾਂ ਵਿੱਚ ਆਈ ਜ਼ਬਰਦਸਤ ਗਿਰਾਵਟ ਤੋਂ ਪਰੇਸ਼ਾਨ ਹੋ ਕੇ ਸਥਾਨਕ ਮੁੱਖ ਮੰਤਰੀ ਦੇਵੇਂਦਰ ਫਡਣਵੀਸ ਨੂੰ ਛੇ ਰੁਪਏ ਦਾ ਮਨੀਆਰਡਰ ਭੇਜਿਆ ਹੈ। ਇਹ ਛੇ ਰੁਪਏ ਕਿਸਾਨ ਨੂੰ 26.5 ਕੁਵੰਟਲ ਪਿਆਜ ਦੇ ਮੁੱਲ ਵਜੋਂ ਮਿਲੇ ਹਨ। ਪਿਆਜ ਵੇਚਣ ਦੀ ਮਾਮੂਲੀ ਰਕਮ ਮਿਲਣ ਕਰਕੇ ਕਿਸਾਨ ਆਪਣਾ ਵਿਰੋਧ ਦਰਜ ਕਰਵਾਉਣ ਲਈ ਕਮਾਈ ਦੀ ਰਕਮ ਲੀਡਰਾਂ ਨੂੰ ਭੇਜ ਰਹੇ ਹਨ।
ਕਿਸਾਨ ਨੇ ਦੱਸਿਆ ਕਿ ਉਹ ਇਸ ਤੋਂ ਕਾਫੀ ਨਿਰਾਸ਼ ਹੋਇਆ ਤੇ ਆਖਰਕਾਰ ਉਸ ਨੇ ਸਾਰੀ ਕਮਾਈ ਮੁੱਖ ਮੰਤਰੀ ਨੂੰ ਮਨੀਆਰਡਰ ਕਰਨ ਦੀ ਫੈਸਲਾ ਕੀਤਾ ਤਾਂ ਕਿ ਮੌਜੂਦਾ ਸਥਿਤੀ ਵੱਲ ਉਨ੍ਹਾਂ ਦਾ ਧਿਆਨ ਵਟਾਇਆ ਜਾ ਸਕੇ। ਇਸ ਤੋਂ ਪਹਿਲਾਂ ਵੀ ਇੱਕ ਕਿਸਾਨ ਨੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਪਿਆਜ ਦੀ ਕਮਾਈ ਤੋਂ ਮਿਲੀ ਮਾਮੂਲੀ ਰਕਮ ਭੇਜੀ ਸੀ ਤੇ ਮੋਦੀ ਨੇ ਇਸ ਮਾਮਲੇ ਦਾ ਨੋਟਿਸ ਲਿਆ ਸੀ। ਉਸ ਤੋਂ ਬਾਅਦ ਮਹਾਰਾਸ਼ਟਰ ਸਰਕਾਰ ਕੋਲੋਂ ਮਾਮਲੇ ਦੀ ਰਿਪੋਰਟ ਤਲਬ ਕੀਤੀ ਗਈ ਸੀ।
Source: ABP Sanjha