ਝੋਨੇ ਦੇ ਖੇਤ ਵਿਚ ਖਾਦਾਂ ਦੀ ਸਹੀ ਵਰਤੋਂ ਲਈ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵੱਲੋਂ ਨਾਈਟ੍ਰੋਜਨ ਖਾਦ ਦੀ ਲੋੜ ਜਾਣਨ ਲਈ “ਪੱਤਾ ਰੰਗ ਚਾਰਟ “ਦੀ ਵਰਤੋਂ ਕਰਨ ਦਾ ਢੰਗ:
• ਸ਼ੁਰੂਆਤੀ ਖਾਦ ਦੇ ਤੌਰ ‘ਤੇ 25 ਕਿੱਲੋ ਯੂਰੀਆ ਪ੍ਰਤੀ ਏਕੜ ਵਿੱਚ ਪਾਓ।
• ਪਨੀਰੀ ਲਗਾਉਣ ਤੋਂ 14 ਦਿਨ ਬਾਅਦ ਹਰ 7 ਦਿਨਾਂ ਦੇ ਫਾਸਲੇ ‘ਤੇ ਸਿਰ੍ਹੇ ਤੋਂ ਪੂਰੀ ਤਰ੍ਹਾਂ ਬਾਹਰ ਨਿਕਲੇ ਪਹਿਲੇ ਪੱਤੇ ਦਾ ਰੰਗ ‘ਪੱਤਾ ਰੰਗ ਚਾਰਟ’ ਨਾਲ ਰੰਗ ਮਿਲਾਓ।
• ਜਦੋਂ ਵੀ 10 ਵਿੱਚੋਂ 6 ਜਾਂ ਉਸ ਤੋਂ ਵੱਧ ਪੱਤਿਆਂ ਦਾ ਰੰਗ ਟਿੱਕੀ ਨੰਬਰ 4 ਤੋਂ ਫਿੱਕਾ ਹੋਵੇ ਤਾਂ 25 ਕਿੱਲੋ ਯੂਰੀਆ ਪ੍ਰਤੀ ਏਕੜ ਵਿੱਚ ਪਾਓ।
• ਜੇਕਰ ਪੱਤਿਆਂ ਦਾ ਰੰਗ ਟਿੱਕੀ ਨੰਬਰ 4 ਦੇ ਬਰਾਬਰ ਜਾਂ ਵੱਧ ਹੋਵੇ ਤਾਂ ਯੂਰੀਆ ਨਾ ਪਾਓ।
• ਫੁੱਲ ਨਿਕਲਣ ਤੋਂ ਬਾਅਦ ‘ਪੱਤਾ ਰੰਗ ਚਾਰਟ’ ਦੀ ਵਰਤੋਂ ਨਾ ਕਰੋ ਅਤੇ ਹੋਰ ਯੂਰੀਆ ਵੀ ਨਾ ਪਾਓ।
ਖੇਤੀਬਾੜੀ ਅਤੇ ਪਸ਼ੂ-ਪਾਲਣ ਬਾਰੇ ਵਧੇਰੇ ਜਾਣਕਾਰੀ ਲਈ ਆਪਣੀ ਖੇਤੀ ਐਪ ਡਾਊਨਲੋਡ ਕਰੋ - ਐਂਡਰਾਇਡ, ਆਈਫੋਨ